189
h’a’diyselerdin’ ulıwmalasqan belgi h’a’m de qa’siyetleri h’aqqındag’ı pikirlerdi so’z
ja’rdeminde ta’riyplewshi tu’sinikke ulıwmalasqan tu’sinik dep ataladı. Ma’selen:
«Qaraqalpaqstan klimatı» h’a’m «xalqının’ tıg’ızlıg’ı».
Geografiyalıq bilim tiykarların ta’riplewshi ulıwmalasqan h’a’m quramalı
tu’siniklerdi basqıshpa-basqısh o’zlestirip barıw za’ru’r. Ha’r bir sabaqta usınday
tu’siniklerdin’ a’h’miyetli elementleri h’aqqında pikir almasıwlar ju’rgiziw maqsetke
muwapıq boladı.
Geografiyalıq ta’lim na’tiyjeliligin asırıw h’a’m bul jolda jergilikli ko’rgizbeli
qurallardan paydalanıwda pa’n oqıtıwshısınan to’mendegi sha’rtlerge muwapıq is
ju’rgiziwi lazım:
1. Geografiya oqıtıwshısı pa’nnin’ obekti h’a’m predmeti h’aqqında anıq
mag’lıwmatqa iye bolıwı za’ru’r.
2. Ta’biyiy geografiya baslang’ısh kursında oqıtıwshı sol pa’nnin’ bag’darları
h’a’mde olardın’ maqsetlerin biliwi, oqıw protsessinin’ tuwrı sho’lkemlestiriliwi.
3. Jergilikli ko’rgizbeli qurallar ta’biyiy obekt, qubılıslar a’h’miyetin obrazlı
tu’rde ashıp beriliwin ta’miyinleydi.
4. Oqıwshılarg’a ma’mleketlik bilimlendiriw standartları, sonday-aq da’stu’r
tiykarında pedagogikalıq texnologiyanı qollap jergilikli ko’rgizbeli
qurallar
ja’rdeminde ta’lim-ta’rbiya beriw ta’lim na’tiyjeliligin ta’miyinleydi, h’a’mde
geografiyalıq bilimlerdi ken’eytiriw h’a’m bayıtıwdın’ maqul jolı esaplanadı.
