179
gerbariyleri, h’aywanatlardın’ qatırılg’an deneleri, landshaft ko’rinisleri boyınsha
ko’rgizbe materiallar tayarlanadı h’a’m belgilengen ta’rtipte jaylastırıladı.
Ekonomikalıq h’a’m sotsiallıq geografiya bo’liminde mektep jaylasqan orın
maketi, ta’biyiy resurslar kartası, sanaat, awıl xojalıg’ı o’nimlerinin’ u’lgileri, sanaaat
obektlerinin’ maketleri,
transport dizimi, den sawlıqtı saqlaw oraylarının’ maketleri
h’aqqında mag’lıwmatlar ko’rsetiledi.
Rekreatsiya h’a’m turizm bo’liminde ta’biyattın’ go’zzal dem alıw orınları,
tariyxıy-geografiyalıq estelikler h’aqqında ko’rgizbeler jaylastırıladı.
Klasstan tıs jumısları dawamında oqıwshılar diywalıy gazetalar shıg’arıwları
mu’mkin. Bunnan basqa oqıwshılar rayon, qala, wa’layat respublika g’alaba
xabar
qurallarında da maqalalardı dag’azalawı mu’mkin.
Klasstan tıs alıp barılatug’ın jumıslardın’ derlik h’a’mmesi ekologiyalıq
bag’darg’a iye boladı, bul jumıslar barısında oqıwshılarda ekologiyalıq bilim h’a’m
ko’nlikpeleri, en’ a’h’miyetlisi ekologiyalıq ma’deniyatı qa’liplestiriledi.
Geografiyalıq do’gerek ag’zaları ta’repinen alıp barılatug’ın ta’biyiy
geografiyalıq jumıslardın’ h’a’mmesinde de ekologiyalıq izertlewler alıp barıladı.
Bunda topıraqtın’, suwdın’, h’awanın’ pataslanıw da’rejesine bah’a beriledi.
Qorıqlanatug’ın o’simlik h’a’m h’aywanat du’nyası wa’killeri h’aqqında
mag’lıwmatlar toplanadı. Mektep jaylasqan awıl h’a’m rayon h’a’m wa’layatlardag’ı
qorshag’an ortalıqtı pataslandırıwshı tiykarg’ı derekler anıqlanadı.
Solay etip, klasstan tıs jumıslar dawamında oqıwshılar ta’biyiy, ekonomikalıq
h’a’m sotsiallıq protsesslerdi u’yreniw boyınsha ko’nlikpelerge iye boladı.
SORAW HA’M TAPSIRMALAR
1. Klastan tıs jumıslardın’ qanday tu’rleri h’a’m formaların bilesiz?
2. Klastan tıs jumıslardın’ maqset h’a’m wazıypaları nelerden ibarat?
3. Klastan tıs jumıslardın’ alıp barıwdın’ qanday usılların bilesiz?
5. Geografiya do’gereginin’ tiykarg’ı maqseti nelerden ibarat?
6. Geografiya do’gereginin’ sho’lkemlestiriw qanday basqıshlardan ibarat?
7. Geografiyalıq konferentsiya qanday sharayatlarda o’tkiziledi?
8. Geografiyalıq keshelerdin’ maqseti nelerden ibarat?
9. Klastan tıs jumıslar qanday bag’darlarda alıp barıladı?
