178
Oqıwshılardın’ ilimiy biliw xızmetinde geografiyalıq konferentsiyalar u’lken
a’h’miyetke iye. Geografiyalıq konferentsiyalarda oqıwshılardın’ ekspeditsiya,
ekskursiya h’a’mde klastan tıs jumıslarda alıp barılg’an jumısları juwmaqlanadı.
Bunday konferentsiyalarda oqıwshılardın’ birinshi
derekleri menen islesiw
ko’nlikpelerin qa’liplestiriw tiykarg’ı orın tutadı. Bunda teoriyanı a’meliyat penen
baylanıstırıw tiykarg’ı orın
iyeleydi,sonın’ menen birge predmetler-ara baylanıslarda
a’melge asırıladı.
17. 3. 3. Ma’deniy ag’artıw h’a’m miynet bag’darı
Bul bag’darg’a geografiyalıq kesheler,
viktorinalar, krossvordlar, geografiyalıq
oyınlar h’a’m basqalar kiredi.
Geografiyalıq keshelerde to’mendegi jumıslar a’melge asırılıwı mu’mkin: qosıq
aytıw, geografiyalıq oyınlardı o’tkiziw mu’mkin. Geografiyalıq oyınlardı to’mendegi
tu’rlerde o’tkiziw mu’mkin. Karta boylap sayaxat, topografiyalıq oyınlar, geografiyalıq
loto.
Ma’deniy-ag’artıw bag’darının’ tiykarg’ı is-ilajlarının’
biri bilimdi tekseriwge
bag’darlang’an sorawlar, tapsırmalar, viktorinalar, krossvordlar, qosıqlar kiredi.
Aqırg’ı waqıtlarda geografiyalıq KVN h’a’m basqa kesheler rawajlanbaqta.
