174
Geografiya do’geregi ushın orın tan’law. Geografiya do’geregi ushın o’z
aldına xana sıpatında geografiya kabinetin alıw mu’mkin. Sebebi, geografiya
kabinetinde do’gerek ag’zaları ushın za’ru’r bolg’an a’sbap-u’skeneler,
qurallar,
priborlar, geografiyalıq
kartalar, atlaslarg’a iye boladı. Geografiya xanasında oqıw
quralları geografiya pa’nleri boyınsha jaylastırılg’an bolıwı lazım. Ma’selen: ta’biyiy
geografiya, ekonomikalıq geografiya, u’lketanıwshılıqtın’ qosımsha quralları
(qosımsha a’debiyatlar);
Do’gerekke tu’rli klasslardan geografiya pa’nine qızıg’ıwshılar ag’za
bolıwları mu’mkin. Sonlıqtan do’gerek ag’zalarının’ jası, qızıg’ıwıshılıq da’rejesi
h’a’m bilim ko’nlikpeleri tu’rlishe boladı, demek, do’gerek jumısın rejelestirgende,
do’gerek ag’zalarına tapsırmalar berilgende usı o’zgesheliklerdi esapqa alıw lazım;
Do’gerektin’ sho’lkemin du’ziw. Do’gerektin’ birinshi ma’jilisinde onın’
quramı du’ziledi. Bunda do’gerek basshısı, bag’darlar boyınsha sektsiya basshıları
h’a’m ag’zaları anıqlanadı h’a’m tastıyıqlanadı;
Do’gerek h’a’m sektsiya bag’darlarının’ atı anıqlanadı. Do’gerektin’ atı “Jas
geograf” bolıwı mu’mkin. Onın’ ishinde to’mendegi bag’darlardı sho’lkemlestiriw
mu’mkin: “Jas ta’biyiy geograf”, “Jas ekonom geograf”, “Jas u’lketanıwshı” h’a’m t.b.
Do’gerek h’a’m onın’ bag’darının’ is rejesi tastıyıqlanadı. İs rejesi oqıw jılı
h’a’m sherek ushın du’ziledi. Ha’r oqıw jılında islengen jumıslar boyınsha
esabat
du’ziledi. Do’gerek isi h’a’r h’a’ptede bir ma’rte o’tkiziledi.
