175
Do’gerekte do’gerek ag’zaları h’aqqında mag’lıwmatlar jurnalı, h’a’r bir
do’gerek ag’zasında ku’ndelik bolıwı lazım.
Sherek aqırında yaki oqıw jılı aqırında h’a’r bir sektsiya o’zinin’
islegen
jumısları h’aqqında esabat beredi. Olar tiykarında do’gerek basshısı ulıwma
juwmaqlawshı esabat tayarlaydı.
17. 2. 2. Geografiyalıq ja’miyet klub h’a’m u’lke tanıw muzeyi
Klasstan tıs jumıslarının’ bul forması jan’a esaplanadı, sebebi burın mektepten tıs
jumıslar tipine kirer edi h’a’m mektepten tıs sho’lkemler ta’repinen
sho’lkemlestiretug’ın edi.
Geografiya do’geregine qarag’anda geografiya ja’miyetinde ag’zalar ko’birek
boladı h’a’m onın’ xızmeti h’a’r tu’rliligi menen ajıralıp turadı.
Geografiya
ja’miyetinin’ maqseti oqıwshılar arasında h’a’m mektep
jaylasqan territoriyada
geografiyalıq bilimlerdi arttırıwdan ibarat. Geografiya ja’miyetinde oqıwshılar
izleniwshen’lik h’a’m izertlew xızmeti menen shug’ıllanadı.
Geografiyalıq izleniwshen’likte oqıwshılar kitapxanadag’ı h’u’jjetler, yag’nıy
arxiv materialları, fotosu’wretler, a’meliy a’debiyatlar, statistikalıq mag’lıwmatlar,
materiallar, geografiyalıq kartalar, su’wretler h’a’m kartinalar u’yreniledi.
Geografiyalıq izleniwde jergilikli xalıqtan sorawnama o’tkiziw de u’lken
a’h’miyetke iye. İzleniwshen’lik baqlaw jolı menen a’melge asırıladı. Bunda ta’biyat,
ta’biyat h’a’diyseleri, islep shıg’arıw protsessi baqlanadı. İzleniwshen’likte eski h’a’m
jan’a kartalardı salıstırıwda tiykarg’ı na’tiyjelerdi beriw mu’mkin.
İzleniwshen’likten son’ oqıwshılardı izertlew jumıslarına qızıg’ıwshılıg’ın
arttırıw zarur. Oqıwshılardı izertlew jumıslarına tartıw ushın olardı izertlew jumısların
o’tkiziw usılları menen tanıstırıw lazım. Sonnan son’ olarg’a izertlew jumısların
o’tkeriw ushın o’z betinshe jumıslar tapsırıw mu’mkin. Bunda oqıwshılar
matematikalıq, kartografiyalıq usıllar menen h’a’mde geografiyalıq a’sbap-u’skeneler,
buyımlar h’a’m priborlar menen islew ko’nlikpesine iye bolıwları sha’rt. İzertlew
jumısları to’mendegi bag’darda alıp barılıwı mu’mkin: orınnın’ topırag’ın u’yreniw
h’a’m kartag’a tu’siriw; orındag’ı antropogen landshaftlardı u’yrenip, olardı
geografiyalıq kartag’a tu’siriw, jergilikli islep shıg’arıw ka’rxanaların u’yreniw h’a’m
t.b.
