171
17. 1 Klasstan tıs jumıslardın’ maqseti h’a’m wazıypaları
Klasstan tıs jumıslardın’ tiykarg’ı maqseti to’mendegilerden ibarat: oqıwshılardı
ta’biyattı tu’siniwge h’a’m ta’biyattı su’yiwge u’yretiw, o’zi jasap turg’an ornı
h’aqqında bilimlerdi teren’lestiriw; oqıwshılarda qorshag’an ortalıq h’aqqındag’ı oy-
o’risin rawajlandırıw; oqıwshılarda geografiya pa’nine qızıg’ıwshılıg’ın oyatıw;
oqıwshılardı geografiya izertlew usılları menen tanıstırıw h’a’m t.b.
Oqıwshılardı ta’biyattı tu’siniwge h’a’m ta’biyattı su’yiwge u’yretiw.
Geografiyalıq do’gereklerde, geografiyalıq kesheler, geografiyalıq h’a’pteler h’a’m t.b.
klasstan tıs jumıslar alıp barıladı. Onda oqıwshılar oqıtıwshının’ tapsırmasına muwapıq
ta’biyat h’aqqında tu’rli ilimiy h’a’m ko’rkem a’debiyatlar menen tanısadı. Usı
a’debiyatlar menen tanısıw h’a’m berilgen tapsırmanı orınlaw dawamında olarda
ta’biyat h’a’m tabiyat qubılısları, ta’biyattı qorg’aw h’aqqında bilimler qa’liplesedi.
Ta’biyat h’a’m ta’biyattı qorg’aw,asırap abaylaw boyınsha berilgen
tapsırmalarda qorıqxanalar, milliy bag’lar, buyırtpaxanalar, jog’alıp ketken h’a’m
jog’alıp ketiw aldında turg’an o’simlik h’a’m h’aywanlar du’nyası, ta’biyatta siyrek
ushıraytug’ın estelikler h’aqqında mag’lıwmatlar a’h’miyetli orındı iyeleydi.
