3
Kirisiw
O’zbekstan Respublikasının’ g’a’rezsizlikke erisiw mu’na’sibeti
menen
geografiya ta’liminde de ju’da’ a’h’miyetli o’zgerisler boldı. Ayırım oqıw pa’nleri
mektep bag’darlamasınan alıp taslandı, ayırımlarının’ mazmunına o’zgerisler
kiritildi, ayırım pa’nler jan’adan jaratılıp, oqıw sistemasına engizildi.
O’zbekstanda «Kadrlar tayarlawdın’ milliy bag’darlaması» h’a’m
«Bilimlendiriw h’aqqında nızamı» qabıllanıwı menen oqıw qollanbaları h’a’mde
sabaqlıqlarg’a bolg’an talaplar keskin ku’sheydi. Ha’mme pa’nlerge bolg’anınday,
mektep geografiya pa’ninin’de mazmunı h’a’m du’zilisinde quramlıq o’zgerisler
a’melge asırıldı. Geografiya predmetlerinin’ bag’darlaması h’a’m du’zilisi
O’zbekstan mektep bilimlendiriw sistemasında ju’z bergen o’zgerislerdi
esapqa
alg’an jag’dayda qaytadan ko’rip shıg’ıldı.
Bul o’z gezeginde geografiya oqıtıw metodikasında pedagogikalıq
xabar
texnologiyaların qollanıw mu’na’sibeti menen bir qatar o’zgerislerdi ju’zege
keltirdi.
Joqarıda keltirip o’tilgen talaplardan kelip shıg’ıp, geografiya oqıtıw
metodikası boyınsha usı qollanba jaratıldı. Bul oqıw qollanba kirisiw h’a’m altı
bo’limnen ibarat. Birinshi bo’lim - geografiya oqıtıw metodikası pa’ninin’ maqseti
h’a’m wazıypaları ja’ne de usı pa’nnin’ rawajlanıw tariyxına bag’ıshlang’an.
Qollanbanın’ ekinshi bo’limi-oqıtıw metodlarına qaratılg’an bolıp, onda
pedagogikalıq h’a’m xabar texnologiyalarına u’lken itibar berilgen. Oqıw
baylanıslarına oqıw qollanbanın’ III-bo’liminde toqtap o’tiledi. Qollanbanın’ IV-
bo’liminde geografiya sabag’ı h’a’m onın’ tu’rleri h’aqqında tolıq mag’lıwmat
keltirilgen. Onda geografiya sabag’ına qoyılatug’ın talaplar, geografiya sabag’ının’
du’zilisi h’a’m o’lshemleri h’akqında bilimler ashıp ko’rsetilgen. Oqıw sayaxatları,
do’gerekler, olimpiadalardı o’tkeriwdin’ ilimiy-metodikalıq tiykarları qollanbanın’
besinshi bo’liminde berilgen. Onda mektepten h’a’m klasstan tıs jumıslar
mazmu’nı h’a’m maqseti ayqın ko’rsetilgen. Altınshı bo’limde ta’biyiy geografiya
baslang’ısh kursında jergilikli ko’rgizbeli qurallardan paydalanıw usılları berilgen.
Bul oqıw qollanba o’z-ara bir-biri menen baylanıslı bolg’an teoriyalıq h’a’m
a’meliy bo’limlerden ibarat bolıp, joqarı oqıw orınları oqıw rejesinen orın alg’an
esaplanadı.
