5
tiykarda geografiya pa’nin oqıtıwdın’ mazmunı islep shıg’ıladı. Ulıwma metodika
eki bo’limge bo’linedi:
- ta’biyiy geografiyanı oqıtıw metodikası;
- sotsiallıq h’a’m ekonomikalıq geografiyanı oqıtıw metodikası.
Geografiya oqıtıwdın’ jeke metodikası
– o’z aldına oqıw predmetlerinin’
maqset h’a’m wazıypaların islep shıg’adı, ulıwma teoriyalıq jag’daylardı anıq oqıw
predmetlerin oqıtıw protsesinde qollanıw ma’selelerin u’yrenedi. Geografiyanı
oqıtıw jeke metodikası ta’biyiy h’a’mde sotsial-ekonomikalıq
geografiya
kurslarının’ o’z aldına predmetleri boyınsha oqıw ta’rbiyalıq protsesslerinen kelip
shıg’adı. Jeke oqıtıw metodikası o’z aldına geografiya pa’nlerinin’ mazmunı ushın
ulıwma metodikanın’ teoriyalıq jumısların anıqlastıradı, sonday-aq h’a’r bir klass
geografiya kursının’ mazmunı h’a’m du’zilisi boyınsha geografiyalıq tu’siniklerdi
qa’liplestiriw, oqıw isleri usılları h’a’m oqıwshılardın’ o’z betinshe jumısların
analizlew mashqalaların izertleydi.
Geografiya oqıtıw metodikasının’ ulıwma wazıypaları:
- mektep geografiyasının’ ta’lim, ta’rbiyalıq h’a’m rawajlandırıw
imkaniyatların ashıp beriw;
- mektep geografiyasının’ mazmunın zaman talabına say tu’rde ja’ne de
jetilistiriw;
- mektep geografiyası mazmunı h’a’m du’zilisinde zamanago’y pa’n
jetiliskenliklerin ko’rsetip beriw;
- oqıtıw materialların qollanıwdı optimal sha’rayatlarg’a tiykarlanıw;
- oqıtıw quralların islep shıg’ıw;
- geografiya sabaqlıqlarının’ du’zilisi, o’lshemleri h’a’m tu’rlerin ja’ne de
ken’eytiw;
- geografiya oqıtıwdın’ pedagogikalıq xabar texnologiyaların islep shıg’ıw
h’a’m a’melde qollanıw;
- geografiyalıq
ekskursiyalar, ilimiy izertlewler o’tkiziw texnologiyasın
qayta islep shıg’ıw;
-
oqıwshılarda a’meliy geografiyalıq ko’nlikpelerdi qa’liplestiriw
texnologiyasın engiziw;
Geografiya oqıtıw metodikası oqıtıwshılar h’a’m oqıwshılardı oqıtıw
teoriyası h’a’m ta’rbiyası menen qurallandırıladı.
