6
a’yyemnen didaktika h’a’m oqıtıw metodikasının’ en’ a’h’miyetli mashqalalarınan
esaplanıp kelingen. Usı mashqalanı qalay sheshiw, mektep geografiyasının’
du’zilisi, mazmunı h’a’m oqıtıw metodlarının’ tu’rlerine baylanıslı. Aqırg’ı
da’wirlerde, a’sirese XX a’sirde oqıtıw maqsetin islep shıg’ıw mashqalasına u’lken
itibar berildi. Ha’zirgi da’wirde geografiya ta’limi mazmunının’ o’zgeriwi
mu’na’sibeti menen bul ma’selege ja’ne de ko’birek itibar berilmekte.
Geografiya oqıtıwshısı geografiya predmetinin’ h’a’r bir klass boyınsha
geografiya kursının’ maqsetlerin biliwi kerek.
Geografiyanı oqıtıw maqsetleri u’sh toparg’a: bilim beriw, ta’rbiyalıq h’a’m
rawajlandırıwshı bolıp bo’linedi.
Bilim beriw maqsetleri to’mendegilerden ibarat:
- oqıwshıg’a ta’biyiy geografiya, sotsiallıq h’a’m ekonomikalıq geografiya
h’a’mde a’meliy geografiya tiykarları boyınsha bekkem bilimler beriw, ta’biyattan
paydalanıw h’a’m onı qorg’awdın’ ilimiy texnikalıq, ekonomikalıq tiykarların
ashıp beriw;
- ulıwma bilim beretug’ın orta mekteplerde, akademiyalıq litsey, ka’sip-
o’ner kolledjlerinde oqıwshılardın’ ekonomikalıq, ekologiyalıq, politexnikalıq,
geosiyasiy bilimlerdi iyelewlerine imkaniyatlar jaratıw;
- ta’biiy geografiya, sotsiallıq h’a’m ekonomikalıq geografiya, a’meliy
geografiya h’a’m basqa arnawlı geografiyalıq pa’nleri xalıq xojalıg’ı boyınsha
mashqalalardı sheshiw jolların izertleydi;
- oqıwshılardı geografiyalıq mag’lıwmatların teren’ iyelewde tiyisli usılları
menen u’yretiw. Bul usıllar (metodlar) menen islew ko’nlikpelerin qa’liplestiriw;
- oqıwshılardı geografiyalıq mag’lıwmatlardan, qosımsha a’debiyatlardan
paydalanıwg’a u’yretiw, iyelegen geografiyalıq bilimlerin a’melde qollanıp biliw,
ko’nlikpelerdi qa’liplestiriw;
- oqıwshılardı o’z betinshe, qosımsha a’debiyatlardan paydalanıp, o’z
bilimin arttırıwg’a u’yretiw;
- oqıwshılarda geografiyalıq ma’deniyattı qa’liplestiriw .
