167
Oqıw sayaxatlarına tayarlıq da’wirinde oqıtıwshı
tarepinen sayaxat
o’tkiziletug’ın orın tan’lanadı, sol jerdin’ ekonomikalıq geografiyalıq sharayatı
h’aqqında mag’lıwmatlardı toplaydı. Oqıw sayaxatı rejesi islep shıg’ıladı.
Oqıw sayaxatı o’tkiziletug’ın ku’ni belgilengen waqıtta oqıwshılar jıynalg’anda
oqıtıwshı ja’ne bir ma’rte sa’wbet o’tkizedi. Oqıw sayaxatının’ maqseti, wazıypaları,
obekti h’a’m sayaxat dawamında oqıwshılar a’mel qılıwı lazım bolg’an qag’ıydalar
tu’sindiriledi. Sonnan son’ oqıw sayaxatı baslanadı.
Orınnın’ geografiyalıq sharayatın u’yreniw to’mendegi ta’rtipte alıp barıladı.
Obekttin’ ekonomikalıq geografiyalıq ornın anıqlaw. Ekonomikalıq geografiyalıq
obektlerdin’ geografiyalıq ornın tiykarg’ı ma’mleketlik a’h’miyetke iye bolg’an
avtomobil, h’awa h’a’m temir jollarg’a; rayon, wa’layat oraylarına qaray jaylasıwı
anıqlanadı.
Keyin orınnın’ yag’nıy obekttin’ ta’biyiy resursları u’yreniledi. Ta’biyiy
resurslardı to’mendegi toparlarg’a bo’lip u’yreniledi; jer resursları, suw resursları,
mineral resurslar, topıraq resursları, rekratsion resursları h’a’m t.b..
Xalqı h’a’m miynet resursları to’mendegi ta’rtipte u’yreniledi; awıl
yamasa
mektep jaylasqan aymaqtın’ xalqının’ sanı, aymaqlıq jaylasıwı h’a’m
basqa statistik
mag’lıwmatlar, mamleketlik a’xmiyetke iye jolları h’a’m basqa ko’rsetkishleri
anıqlanadı. Obekttin’ xojalıg’ı u’yrenilip, onda sanaat h’a’m awıl xojalıg’ı tarawlarının’
rawajlang’anlıg’ı anıqlanadı.
