164
sayaxatlarında to’mendegi a’sbap-u’skeneler kerek bolıw mu’mkin; kompas,
termometr, reyka, arqan, karta, barometr h’a’m t.b.
Oqıw sayaxatların na’tiyjeli o’tkiziw sayaxat o’tkiziletug’ın orındı tan’lawg’a
baylanıslı. Eger sayaxattın’ teması relef formaların u’yreniwge arnalg’an bolsa, ilajı
barınsha relef formaları h’a’r tu’rli bolg’an orınlar tan’lanıwı kerek. Taw jınıslarına
arnalg’an sayaxatlardı o’tkiziwde geologiyalıq qazılmalar bolg’an orınlar tan’lanadı.
Oqıw sayaxatları o’tkiziletug’ın orınlardı tan’lawda to’mendegilerge itibar beriw
lazım:
tan’lang’an
orın oqıw temalarına, u’lketanıwdın’ maqseti h’a’m
wazıypalarına say keliwi za’ru’r. Demek, u’lketanıw materialları menen tikkeley
baylanısta bolg’an tema h’a’m maqsetlerde u’yreniwde;
o’zine ta’n oqıw sayaxatı obektleri boyınsha mag’lıwmatlardan paydalanıw,
u’yreniw, olardı su’wretlew h’a’m tikkeley ko’riw imkaniyatın jaratıw lazım;
oqıw sayaxatları dawamında ta’rbiyalıq jumıslar a’melge asırılıwı kerek.
Ma’selen: mektep jaylasqan awıl, rayon, qalada jog’alıp baratırg’an o’simlik h’a’m
h’aywanat du’nyasının’, kem ushırasatug’ın ta’biyat esteliklerine sayaxat h’a’m t.b.
oqıw sayaxatlarında oqıwshılardın’ jası menen baylanıslı bolg’an
o’zgesheliklerdi esapqa alıw;
geografiya h’a’m u’lketanıw obektlerinin’ o’zgeriwinde oqıwshılar ta’repinen
qabıl etiliwinin’ emotsional ta’replerin esapqa alıw;
oqıtıwshı h’a’m oqıwshılardın’ oqıw sayaxatların o’tkiziwge tayarlıq
da’rejesin esapqa alıw;
oqıw sayaxatlarında tiyisli mag’lıwmatlar jıynalıp esabat formasında
tapsırıladı.
