|
Bilimlerdi ulıwmalastırıw sabag’ı
Pdf ko'rish
|
| bet | 111/140 | | Sana | 18.05.2024 | | Hajmi | 1,58 Mb. | | #241765 |
Bog'liq Vaxabov X, Gaypova R, Tursinov M. Geografiyanı oqıtıw metodikasıBilimlerdi ulıwmalastırıw sabag’ı.
Bilimlerdi ulıwmalastırıw sabag’ı
to’mendegi bo’limlerden tu’radı: sabaqtın’ maqseti h’a’m wazıypaları menen
tanıstırıw; ta’lim-ta’rbiyalıq wazıypalardı orınlaw; sabaqtı juwmaqlaw; u’yge tapsırma
beriw.
Ha’zirgi waqıtta ulıwmalastırıw sabag’ı ken’ tarqalmaqta. Olar mektep
geografiya kurslarının’ h’a’mmesinde ko’zde tutılg’an. Ko’p jag’daylarda bunday
sabaqlardı ulıwmalastırıwshı ta’kirarlaw sabag’ı dep te ataladı. Sebebi bilimler
ulıwmalastırılg’anda olar a’lbette ta’kirarlanadı.
Bilimlerdi ulıwmalastırıwdın’ a’h’miyeti to’mendegishe:
Bilimlerdi ulıwmalastırıw oqıwshılar sanasına du’nya qaras ideyaların
qa’liptestiriwde u’lken a’h’miyetke iye.
Bilimlerdi ulıwmalastırıw h’a’r bir geografiya predmetindegi bilimlerdi
sistemalastırıwda yag’nıy ta’rtipke salıwda u’lken a’h’miyetke iye.
Yag’ni, geografiyalıq obektler uqsas belgilerge qarap sistemalarg’a yamasa
toparlarg’a bo’linedi. Ma’selen: da’rya alapları, tegislik landshaftları, sho’ller,
rawajlanıp atırg’an ma’mleketler, rawajlang’an ma’mleketler, evropoidlar,
mongoloidlar, negroidlar h’a’m t.b.
Sonın’ ushın ulıwmalastırıwshı sabaqlardı iri bo’limlerdi u’yrenip bolıng’annan
son’ o’tkiziledi.
Ulıwmalastırıwshı sabaqlardın’ tiykarg’ı o’zgesheliklerdin’ biri oqıwshılar
bilimlerin sistemalastırıw h’a’m ulıwmalastırıw tiykarında jan’a bilim h’a’m
ko’nlikpelerge iye bolıwı bolıp tabıladı. Sonın’ ushın oqıwshılar o’zlerinin’ bilimlerine
tiykarlanıp du’nya qaras ideyalarının’ ulıwma belgileri, printsiplerin iyelew boyınsha
geografiyalıq ko’nlikpelerge iye boladı.
161
SORAW HA’M TAPSIRMALAR
1. Kirisiw sabag’ı qanday sharayatlarda o’tiledi?
2. Kirisiw sabag’ının’ maqseti nelerden ibarat?
3. Aralas sabaq qanday quramlı bo’limlerden ibarat?
4. Aralas sabaqtın’ maqseti nelerden ibarat?
5. Jan’a temanı u’yreniw sabag’ı qanday sharayatda o’tkiziledi?
6. Sabaqtın’ tiykarg’ı tu’rlerinin’ sızılmasın sızın’.
7. Geografiyalıq ko’nlikpelerdi qa’liplestiriw sabag’ı qanday quramlı bo’limlerden
ibarat?
8. Qaysı sabaq tu’ri ju’da’ kem qollanıladı?
|
| |
