160
15. 5. Ta’kirarlaw, ulıwmalastırıw h’a’m bilimlerdi tekseriw sabaqları
Ta’kirarlaw sabag’ı.
Geografiya ta’liminde ken’ tarqalmag’an, ju’da’ kem
jag’daylarda g’ana qollanıladı. Sebebi, h’a’r bir geografiya sabag’ında turaqlı tu’rde
oqıwshılardı bilim h’a’m ko’nlikpeleri tekserilip barıladı.
Ta’kirarlaw sabaqları to’mendegi jag’daylarda qollanıladı:
İri bo’limler h’a’m temalar o’tip bolıng’annan son’ bilimlerdi bekkemlew
maqsetinde;
Jan’a tema materialı aldın’g’ı sabaqlar menen baylanısqan bolsa,
ta’kirarlaw jan’a temanı o’zlestiriwge ja’rdem berse;
Geografiya ta’liminde ta’kirarlaw sabag’ın qashan h’am qaysı temanı u’yreniwde
qollawdı oqıtıwshı sheshedi. Ta’kirarlaw sabaqların to’mendegi temalardı u’yreniwden
son’ qollanıw mu’mkin: jer qabıqları, materikler h’a’m okeanlar ta’biyiy geografiyası.
