3. 2. U’stirtin izleniwshi metod




Download 1,58 Mb.
Pdf ko'rish
bet62/140
Sana18.05.2024
Hajmi1,58 Mb.
#241765
1   ...   58   59   60   61   62   63   64   65   ...   140
Bog'liq
Vaxabov X, Gaypova R, Tursinov M. Geografiyanı oqıtıw metodikası

8. 3. 2. U’stirtin izleniwshi metod 
U’stirtin izleniwshi metodtın’ tiykarg’ı maqseti oqıwshılarda do’retiwshilik 
ko’nlikpelerin payda etiwden ibarat. Oqıwshılardı do’retiwshilik jumıslarg’a 
qızıqtırıw h’a’m u’yretiw mashqalalı yamasa wazıypalardı islep shıg’ıw h’a’m 
olardı sabaq protsessinde oqıwshılar ta’repinen sheshiw arqalı a’melge asırıw bolıp 
tabıladı. Bul wazıypalardı sheshiw usılları oqıwshılarg’a aldınnan beriliwi kerek. 
Bul metodtı qollang’anda oqıtıwshının’ do’retiwshiligi to’mendegilerden ibarat: 
- oqıtıwshı wazıypanı islep shıg’adı h’a’m onı oqıwshılarg’a dag’aza etedi; 
- son’ oqıtıwshı o’z aldına wazıypanı bo’limlerge bo’lip jiberedi yamasa o’z aldına 
sorawlar du’ziledi; 
-oqıwshı wazıypanı tolıq h’a’m h’a’r ta’repleme tu’siniwi lazım; 
-oqıwshı izbe-izlik penen belgili bo’limlerge bo’lingen wazıypanı sheshedi. Bunda 
olar u’stirtin izleniwdi a’melge asıradı. İzleniw oqıtıwshı basshılıg’ında alıp 
barıladı. 
Oqıtıwshı «Materikler h’a’m okeanlar ta’biyiy geografiyası» kursında Arqa 
Amerikanın’ ta’biyat zonaları temasında oqıwshılarg’a to’mendegi sorawlardı 
beriw mu’mkin: Qa’dimgi muzlıqlar Arqa Amerika topıraqlarına qanday ta’sir 
etkenin tu’sindirip berin’? Oqıwshılar usı sorawg’a juwap bere almawı mumkin, 
sonın’ ushın oqıtıwshı ayırım sorawlardı to’mendegishe bo’lip shıg’adı: 

93 
- muzlıqlar Arqa Amerika materiginde qanday xızmetler atqarg’an? 
- Arqa Amerikanın’ qaysı bo’liminde topıraqlar jas, arqa yamasa qubla 
ta’repindeme? 
- ne sebepten Kanada arxipelagı atawlarındag’ı topıraqlar juqa h’a’m taslı? 
Usı sorawlarg’a oqıwshılar juwap berip bolg’annan son’ oqıtıwshı da’slep 
bergen sorawın qaytaradı «Qa’dimgi muzlıqlar Arqa Amerika topıraqlarg’a qanday 
ta’sir etken» oqıwshılar endi usı sorawg’a tolıq juwap beredi. Bul metodtı 
qollang’anda evristikalıq sa’wbetlesiwdi paydalanıw u’lken na’tiyje beredi.

Download 1,58 Mb.
1   ...   58   59   60   61   62   63   64   65   ...   140




Download 1,58 Mb.
Pdf ko'rish