91
Onın’ tiykarg’ı metodı oqıwshılarg’a o’z betinshe pikirlewge h’a’m o’z
betinshe jumıslardı orınlawg’a u’yretiw bolıp esaplanadı.
Usı metodtı qollang’anda oqıtıwshı bir formadag’ı sorawlardı
izbe-iz
du’ziwi h’a’m og’an oqıwshılar juwap beriwi kerek.
Usı metod penen ta’biyiy geografiya ekonomikalıq geografiya kurslarında
orınlanatug’ın belgili bir aymaqtı yaki islep shıg’arıw komplekslerinin’ du’zilisin
izbe-iz du’ziw wazıypaları kiredi.
Ma’selen: Qaraqalpaqstang’a to’mendegi formada ta’biyiy geografiyalıq
sıpatlama beriw mu’mkin:
a) geografiyalıq jaylasqan ornı;
b) geologiyalıq du’zilisi;
v) relefi;
g) paydalı qazılmaları;
d) klimatı;
e) ishki suwları;
ё) topıraqları;
j) o’simligi;
i) h’aywanat du’nyası;
k) ta’biyiy geografiyalıq birlikleri.
Ekonomikalıq geografiyalıq sıpatlaması to’mendegishe bolıwı mu’mkin.
a) ekonomikalıq-geografiyalıq jaylasqan ornı;
b) adminstrativlik birlikleri;
v) ta’biyiy resursları;
g) xalqı h’a’m miynet resursları;
d) xojalıg’ının’ du’zilisi;
e) sanaatı;
ё) awıl xojalıg’ı;
j) transportı h’a’m sırtqı ekonomikalıq baylanısı.
Bunnan basqa h’a’r bir ta’biyiy geografiya yaki ekonomikalıq geografiyalıq
komponentlerdi u’yreniw boyınsha bir formadag’ı sorawlar du’ziw mu’mkin,
ma’selen: klimattı u’yreniwde to’mendegi sorawlardan paydalanıw mu’mkin.
a) klimat payda etiwshi faktorlar;
b) jawınlar;
v) samallar;
g) ma’wsimler;
d) klimat poyasları.
92
Ekonomikalıq h’a’m sotsiallıq geografiyanın’ tiykarg’ı bo’limlerinen
bolg’an ta’biyiy resurslardı u’yreniwde to’mendegi sorawlardan paydalanıw
mu’mkin:
a) jer resursları;
b) suw resursları;
v) klimat resursları;
g) topıraq resursları;
d) o’simlik resursları;
e) mineral resursları;
j) rekreatsiya resursları.
Bul jerde ta’biyiy resurslardın’ o’z aldına u’yreniw ushın bir to’mendegi
formadag’ı sorawlardı du’ziw mu’mkin, ma’selen: mineral resurslardı u’yreniwde
to’mendegishe:
a) janılg’ı-energetika resursları;
b) rudalı paydalı qazılmalar;
v) rudalı emes paydalı qazılmalar h’a’m .t.b.
Bul metod penen islegende oqıwshılardan bilim h’a’m ko’nlikpelerin belgili
bir formada qollanıw talap etiledi.
