-VI sinf o’quv dasturida qit’alar tabiiy geografik sharoitini o’rganishga
e’tibor kuchaytirilgan;
-VII sinf dasturida mamlakatning umumiy tabiiy geografik tavsifi
qoldirilishi va o’quv
materialining osonlashtirilish, har bir ittifoq
Respublikasining geografik tavsifi kiritilishi ko’rsatilgan. Mazkur qarordan
so’ng geografiya predmetiga ajratilgan soatlar xajmi 15 soatga yetkazildi.
Ushbu bosqichda yangi dastur asosida qator o’quv qo’llanmalari va
darsliklar tayyorlandi va nashr qilindi. 1936 yili 5-sinf uchun A.S.Barkov va
A.A.Polovinkinlarning ‚Tabiiy geografiya‛, 6-sinf uchun. G.I.Ivanovning
‚Dunyo qit’alari tabiiy geografiyasi‛, 7-sinf uchun N.A.Baranskiyning
‚SSR tabiiy geografiyasi‛ (1-qism), S.V. Chefranovning ‚SSR
tabiiy
geografiyasi‛ (2-qism), 8-sinf uchun N.N.Baranskiyning ‚SSR iqtisodiy
geografiyasi‛, I.A.Vitverning 9-sinflar uchun ‚Kapitalistik
mamlakatlar
iqtisodiy geografiyasi‛ darsliklari nashr qilindi.
Ushbu bosqichda maktablar uchun atlaslar va metodik qo’llanmalar
nashr qilindi va ular o’zbek tiliga tarjima qilindi. 1939 yili
N.P.Arxangelskiy tomonidan ‚Boshlang’ich maktablarda jug’rofiyadan
ko’rsatmalar‛ va F.A Ushinov tomonidan ‚Geografik materiallar‛ nomli
metodik ishlari nashr qilindi.
Geografik atamalar sohasida ham qator qo’llanmalar nashr qilindi:
1935 yil O.Ibroximov ‚Geografiya atamalari‛, 1940 yili M.X.Bektemirov va
S.Sayidrasulovlar tomonidan ‚qisqacha ruscha-o’zbekcha
geografiya
terminlari lug’ati‛ nashr qilindi.
