YOSH OLIMLAR
ILMIY-AMALIY KONFERENSIYASI
in-academy.uz/index.php/yo
69
UMUMIY O’RTA TA’LIM MAKTABLARIDA LOGARIFM MAVZUSINI O’QITISH
METODIKASI
Baxtiyorova Muslimaxon Qahhorjon qizi
Farg’ona viloyati Uchko’prik tumani 16-umumiy o’rta ta’lim
maktabi “Matematika” fani o’qituvchsi
E-mail:
baxtiyorovamuslima@gmail.com
https://doi.org/10.5281/zenodo.7973516
Ma’lumki, har bir jamiyatning kelajagi uning ajralmas qismi va hayotiy zarurati bo`lgan ta’lim
tizimining qay darajada rivojlanganligi bilan belgilanadi. Bugungi kunda mustaqil taraqqiyot
yo`lidan borayotgan mamlakatimizning uzluksiz ta’lim
tizimini isloh qilish va
takomillashtirish, yangi sifat bosqichiga ko`tarish, unga ilg`or pedagogik va axborot
texnologiyalarini joriy qilish hamda ta’lim samaradorligini oshirish davlat siyosati darajasiga
ko`tarilgan. Oliy maktab zamonaviy ilmiy bilimlarni egallagan ilmiy, ishlab chiqarish va
tarbiyaviy harakterdagi har qanday
muammolarni hal qila oladigan, kasbiga fidoiy
mutaxassislarni yetishtirib berishi lozim. Bu vazifalarning hal qilinishi ta’lim berishni
kompyuterlashtirish-o`quv jarayoniga kompyuterdan foydalanishga asoslangan yangi
metodlarni keng tadbiq etishni talab etadi. Ta’limni kompyuterlashtirish o`qitishning
kuchli
vositasi, laboratoriya tadqiqot ishlarining ajralmas qismi sifatida maydonga chiqmoqda. Bu
esa, fanlarni o`qitishga oid metodik qo`llanmalarni yaratishni, o`quv jarayonlarni
modellashtirish va tadbiq qilishni, yuqori malakali pedagog va ilmiy kadrlar tajribalarini keng
miqyosda yoyishni, ta’lim berish jarayonida har bir ta’lim oluvchini o`ziga xos xususiyatlariga
moslashishni hamda bo`lajak o`qituvchilarning mustaqil o`quv faoliyatini rivojlantirishga
ko`maklashish imkonini beradi.
Innovatsion texnologiyalariga asoslanib darslarni tashkil etish yaxshi natijalarni bermoqda.
Axborot kommunikatsion texnologiyalarni o`quv jarayonida qo`llash jahon amaliyotida keng
qirrali bo`lib
unga pedagogik, psixologik, didaktik, tashkiliy,
iqtisodiy, ijtimoiy, ekologik va
boshqa nuqtai nazardan yondashish lozim. Dars jarayoni murakkab ijodiy mashg`ulotdir.
Uning samaradorligi ko`p jihatdan o`quvchilarning faolligiga bog`liq. Ularni faollashtirish
uchun
axborot texnologiyalari, о’yin, baxs, suhbat, musobaqa, sayohat, konferensiya, davra
suhbati, rolli o`yinlarni qo`llash, kitob bilan ishlash, kompyuter mashg`ulotlariga ko`proq vaqt
ajratish kerak. Ta’lim jarayonida axborot kommunikatsion texnologiyalarning o`rinli
qo`llanilishi mashg`ulotlarning qiziqarli tarzda tashkil etilishiga olib kelishi bilan o`quv
materialining chuqur o`zlashtirilishiga keng imkoniyat yaratadi.
O`rta ta’limda matematika fanini o`qitishning asosiy maqsadi:
O`quvchilarda kundalik faoliyatda qo`llash, fanlarni o`rganish va ta’lim olishni davom ettirish
uchun zarur bo`lgan matematik bilim va ko`nikmalar tizimini shakllantirish va rivojlantirish;
jadal taraqqiy etayotgan jamiyatda muvaffaqiyatli
faoliyat yurita oladigan, aniq va ravshan,
tanqidiy hamda mantiqiy fikrlay oladigan shaxsni shakllantirish;
milliy, ma’naviy va madaniy merosni qadrlash, tabiiy-moddiy resurslardan oqilona
foydalanish
va asrab-avaylash, matematik madaniyatni umumbashariy madaniyatning
tarkibiy qismi sifatida tarbiyalashdan iborat.
O`rta ta’lim muassasalarida matematika fanini o`qitishning asosiy vazifalari:
O`quvchilar tomonidan matematik tushunchalar, xossalar,
shakllar, usullar va algoritmlar
haqidagi bilim, ko`nikmalar egallanishini ta’minlash;