5-MA`RUZA
REAKTORLARNING TURI VA KONSTRUKTSIYASI
Reja:
1. Reaktorlarni sinflash
2. Reaktorlarning tuzilishi
3. Harakatchan nasadkali katalitik riforming reaktori
4. Kreking qurilmasining regeneratori.
Ma`ruzaning maqsadi: Organik sintez jarayonlarini olib borish kimyoviy
reaktorlar yordamida amalga oshiriladi. Ushbu ma’ruza
matnida kimyoviy
reaktorlarning konstruktiv tuzilishi, o‘lchamlari, tashqi ko‘rinishlari, ular orasidagi
farqlar xaqida tushuncha, shuningdek, reaktorlarni sinflash, reaktorlarning tuzilishi,
xarakatchan nasadkali
katalitik riforming reaktori, Kreking qurilmasining
regenerator qurilmalari xaqida batafsil ma’lumotlar keltirilgan.
Kalit so‘zlar: reaktor, nasadka, krekinglash, alkillash, regenerator, riforming,
ideal
aralashish, ideal surib chiqarish,
uzluksiz, davriy, adiabatik,
izotermik,
avtotermik.
Turli neftkimyoviy jarayonlarni amalga oshirish uchun mo'ljallangan kimyoviy
reaktorlar bir-biridan konstruktiv tuzilishi, o'lchamlari, tashqi ko'rinishlari jihatidan
farq qiladi. Biroq ular o'rtasidagi mavjud bo'lgan farqlarni hisobga olmagan holda,
reaktorlarni umumiy sinflash uchun kerak bo'lgan belgilarni ajratish mumkin.
Bunday holat reaktorlar haqidagi ma'lumotlarni tartibga solish,
ularning ish
rejimlarini matematik yo'l bilan ifoda etish va hisoblash uslubini tanlashni
osonlashtiradi.
Kimyoviy reaktorlarni sinflash va ularning ish
rejimlarini aniqlash uchun
quyidagi printsiplar eng ko'p ishlatiladi: 1) reaktsion muhitning harakat rejimi
(reaktordagi gidrodinamik sharoit); 2) reaktordagi
issiqlik almashinish shart-
sharoitlari; 3) reaktsion aralashmaning fazaviy tarkibi; 4)
jarayonni tashkil etish
usuli; 5) jarayon ko'rsatgichlarining vaqt davomidagi o'zgarish xususiyati; 6)
konstruktiv alomatlar.
