|
“Bio-Max-Ziyo” o’quv markaziBog'liq 11-savol-javob 093806“Bio-Max-Ziyo” o’quv markazi
19
Tog‘lik joyda yuqoriga ko‘tarilgan sari o‘simliklar vertikal zonallik
bo‘yicha tarqalgan. Tog‘da yuqoriga ko‘tarilgan sari kuzatiladigan
vertikal zonallik geografik kengliklardagi ekvatordan qutblarga tomon
kuzatiladigan iqlim zonalariga mos keladi.
Shimoliy yarimsharda tog‘ning
janubga qaragan qiyaligi shimolga
qaragan qiyalikdan qanday farq
qiladi?
Shimoliy yarimsharda tog‘ning janubga qaragan qiyaligiga ko‘proq
quyosh nuri tushadi, shuning uchun bu yerda yorug‘likning
intensivligi va harorat shimoliy qiyalikka nisbatan yuqori bo‘ladi.
Janubiy yarimsharda esa buning aksi kuzatiladi. Bu esa o‘simliklar va
hayvonlar jamoalariga katta ta’sir ko‘rsatadi.
Tog‘ va tepaliklarda qiyalik qancha
tik bo‘lsa o’simliklar qanday
tarqaladi?
Unda o‘simliklar shuncha kam o‘sadi, chunki suv ta’sirida tuproq
yuvilib ketadi va uning unumdor qatlami kamayadi. Tik qiyaliklarda
asosan kserofit o‘simliklar uchraydi.
Biotik omillar nechta guruhga
ajratiladi va ular qaysilar?
Tur ichidagi munosabatlar – bir turga mansub individlar o‘rtasidagi
munosabatlar. Bu populatsiyaning o‘z- o‘zini boshqarishdagi muhim
mexanizmdir. Turlararo munosabatlar – har xil turlar o‘rtasidagi
munosabatlar sanaladi.
Neytral munosabatlar deb nimaga
aytiladi?
Populatsiyalardagi individlar soni o‘zaro ta’sir natijasida o‘zgarishsiz
qoladigan munosabatlar neytral munosabatlar deb ataladi.
Simbiotik munosabatlar deb nimaga
aytiladi?
Agar o‘zaro ta’sir natijasida bir populatsiyadagi individlar soni ortsa,
lekin ikkinchi populatsiyadagi individlar soni kamaymasa, bunday
munosabatlar ijobiy yoki simbiotik munosabatlar deb ataladi
Antagonistik (antibioz) munosabatlar
deb nimaga aytiladi?
O‘zaro munosabatlar tufayli bir populatsiyadagi individlar soni qanday
o‘zgarishidan qat’i nazar, ikkinchi populatsiyadagi individlar soni
kamaysa, bunday munosabatlar salbiy yoki antagonistik (antibioz)
munosabatlar deyiladi.
|
| |