Bugungi kundagi taʼlim faqatgina kurs va leksiyalar toʻplamidangina iborat
emas. Endilikda u mustaqil taʼlim, elektron texnologiyalar va dars oʻtishning ilgʻor
metodikalari konsepsiyasini oʻz ichiga oladi. Hozirgi kunda oʻquvchilar axborot
olish va uni samarali oʻzlashtirish uchun axborot texnologiyalaridan foydalanishni
oʻrganib olishdi. Zamonaviy taʼlim dunyodagi tinimsiz oʻzgarishlarga koʻnikkan,
turli muammo va toʻsiqlarga tayyor turadigan professionallarning
yangi avlodini
shakllantirmoqda. Bunday taʼlim oʻquvchilarni nafaqat amaliy koʻnikmalar bilan,
balki oʻquvchilarga bugungi kunda zarur boʻlgan zamonaviy kompetensiyalarni
rivojlantirishga yordam beradigan oʻquv texnikalari bilan taʼminlaydi.
Bugun
dunyoda “ijtimoiy koʻnikmalar”ga (soft skills) ega boʻlgan mutaxassislarga ehtiyoj
ortib, ayni paytda “kasbiy koʻnikmalar” (hard skills) oʻzining birinchi darajali
ahamiyatini yoʻqotib bormoqda.
Madaniyatlararo ko‘nikmalar va global xabardorlik
• turli madaniyatlarning tarixiy va zamonaviy xususiyatlarini o‘rganish, ushbu
madaniyatlarga hurmat bilan munosabatda bo‘lish;
• turli mamlakatlar, madaniyatlar va alohida shaxslarning informatika
fanining
rivojlanish tarixiga qo‘shgan hissasi bilan tanishish, ularning qimmati, o‘zaro
bog‘liqligi va joydan mustaqilligini tushunish;
• odamlarga hurmat bilan munosabatda bo‘lish;
• o‘quvchilarni o‘zlarining til va madaniy o‘ziga xosligini shakllantirishda qo‘llab-
quvvatlash.
