) ga
litsenziya
–Ko‘rsatilgan faoliyat turlari bilan shug‘ullanishga huquqini tasdiqlovchi,
yuridik va jismoniy shaxslarga davlat metrologik xizmat idoralari tomonidan
beriladigan hujjat.
O‘lchash vositalarini metrologik attestatlash
–donalab ishlab chiqarilgan
(yoki O‘zbekiston hududiga donalab keltirilgan) o‘lchash vositalarining, ularning
xossalarini sinchiklab tadqiq etish asosida, qo‘llanishga huquqli ekanligini
metrologik xizmat tomonidan tan olish.
Metrologik xizmatlar, markazlar, laboratoriyalarni akkreditlash
–
metrolgik xizmatlar, markazlar, laboratoriyalarning o‘rnatilgan akkreditlash
doirasida o‘lchashlar birliligini ta’minlash bo‘yicha ishlarni o‘tkazishga huquqligini
rasmiy tan olish.
YUridik shaxslarning metrologik xizmatlarini o‘lchash vositalarini
kalibrlash huquqiga akkreditlash
–yuridik shaxslar metrologik xizmatlarining
o‘rnatilgan doirada o‘lchash vositalarini kalibrlashni o‘tkazish huqiqini rasmiy tan
olish.
O‘lchashlarni bajarish metodikalarini metrologik attestatlash
–
O‘lchashlarni bajarish metodikasining unga qo‘yilgan metrologik talablarga
muvofiqligini baholash va tasdiqlash maqsadida o‘tkaziladigan tadqiqot.
O‘lchashlarni bajarish metodikasi
–O‘lchashlar natijalarini avvaldan
ma’lum xatolik bilan olishni ta’minlaydigan ishlar va qoidalar majmui.
Metrologik faoliyat sohasida qo‘llaniladigan atamalar va ta’riflar, shuningdek
O‘z O‘DT ning asos bo‘luvchi hujjatlari O’z DSt 8.010:2002, O’z DSt 8.010.2:2003,
O’z DSt 8.010.3:2004, O’z DSt 8.010.4:2002 da ham o‘rnatilgan.
Nazorat savollar
1. O‘lchashlar birliligini ta’minlash tizimi nima?
2. O‘lchashlar birligini ta’minlash bo‘yicha munosabatlarni huquqiy tartibga
solish sohasiga doir qanday hukumat qarorlarini bilasiz?
3. O‘zbekiston Respublikasida o‘lchashlar birliligini ta’minlash tizimining
maqsad va vazifalari nimalardan iborat?
4. O‘zbekiston Respublikasida o‘lchashlar birliligini ta’minlash tizimining
huquqiy asoslari va nizomlari nimalardan iborat. Ularga izoh bering?
5. Xalqaro birliklar tizimi (SI) haqida so‘zlab bering?
6. O‘lchash birliklariga qo‘shimchalar deganda nimani tushunasiz?
7. Xalqaro birliklar tizimiga kirgan asosiy birliklarni sanab bering?
8. Kattalik birliklarini qo‘llash tartibi qanday?
9. Qanday metrologik atamalarni bilasiz, ularga ta’rif bering?
|