2022, № 1 “Pedagogik mahorat” Ilmiy-nazariy va metodik jurnal
191
bermasligini (2-savol), 33% oʻquvchi agar tanlash imkoni boʻlsa, masofaviy ta’limni tanlashini (3-savol),
37% akademik litseyda fizika fani boʻyicha tajribalar oʻtkazish imkoniyatlari yetarli darajada emasligini (4-
savol) koʻrsatishgan.
Oʻquvchilarning oʻqituvchilar tomonidan darslarni oʻtishiga munosabatiga toʻxtaladigan boʻlsak,
ularning 88% oʻqituvchilari fizika fanidan mavzuni aniq va tushunarli bayon etishini (5-savol), 82%
oʻqituvchilari ularga nisbatan talabchan ekanligini (6-savol); 84% oʻqituvchilari oʻzining xizmat vazifasiga
ijodiy yondashishini (7-savol), 80% oʻqituvchilari oʻz bilimini adolatli baholashlarini koʻrsatib oʻtishgan (8-
savol). Oʻquvchilarning 83% akademik litseyda ta’lim jarayoni yaxshi (samarali) tashkil qilingan deb
hisoblasa, 10% ta’lim jarayoni yomon (samarasiz) tashkil etilganligini bildirgan (9-savol), 60% oʻquvchi
fizika faniga ajratilgan oʻquv soatlari yaxshi bilim olish uchun yetarli ekanligini, 40% oʻquvchi oʻquv
soatlari yaxshi bilim olish uchun yetarli emasligini koʻrsatishgan (10-savol).
Ta’kidlash lozimki, ba’zi oʻquvchilar oʻqituvchilari fizika fanidan mavzuni
aniq va tushunarli bayon
etishi, dars mobaynida oʻquvchilarga nisbatan talabchan ekanligini hamda oʻzlarining xizmat vazifasiga
ijodiy yondashishi qatorida oʻquvchilarning bilimini adolatsiz baholashlarini koʻrsatgan. Bu esa oʻquvchilar
savolnomaga real yondashmaganliklari va e’tiborsiz belgilaganliklaridan dalolat beradi.
Oʻquvchilar savolnoma davomida zamonaviy oʻquv-adabiyotlarini yaratish,
laboratoriya
mashgʻulotlar va amaliy
dars soatlarini oshirish, fizika fanini boshlangʻich sinflardan boshlash, oʻqituvchi
nazariy bilimlar bilan bir vaqtda amaliy bilimlar ham berib borishlarini yoʻlga qoʻyish, darslarning oʻzaro
bogʻliqligini oshirish maqsadida matamatika va ingliz tili fanlaridan dars soatlarini oshirish, bepul
qoʻshimcha darslar tashkil qilish, oʻquvchilarning bilimini e’tiborga olgan holda
guruhlarga ajratib dars
oʻtish, toʻgaraklar va olimpiadalarni koʻproq oʻtkazish, maktablarni laboratoriya jihozlari bilan talab darajada
ta’minlash boʻyicha takliflar berishdi. Shuningdek, fizika fanini zamonaviy pedagogik texnologiyalarni
qoʻllagan holda oʻtilishi dars samaradorligini oshirish uchun xizmat qilishini ta’kidlashdi.
Xulosa. Litseylarda fizika fanini oʻqitish masalasida jiddiy
kamchilik va muammolar mavjud,
jumladan malakali oʻqituvchilarning yetishmasligi, fizika fani boʻyicha oʻquv reja va darsliklarning talabga
javob bermasligi, qoʻllaniladigan metod va usullarning samarasizligi, oʻquvchilarni kasbga yoʻnaltiruvchi va
bilim olishlariga qiziqishlarini oshiruvchi pedogogik texnologiyalarning amaliyotga kiritilmaganligi va h.k.
Ta’kidlash lozimki, mamlakatimizda amalga oshirilayotgan keng koʻlamdagi islohotlar ta’lim sifati hamda
oʻqitishning tashkiliy-pedagogik imkoniyatlarini oshirish, moddiy-texnik bazasini yaxshilash, uzluksiz ta’lim
tizimini malakali kadrlar bilan ta’minlash, xorijiy tajribalardan keng foydalangan holda fizika fani oʻquv
dasturlari, oʻquv-uslubiy adabiyotlari mazmunini yangilash, oʻquv jarayoniga innovatsion ta’lim
texnologiyalarini keng joriy qilinishini ham qamrab olganligi bilan e’tiborlidir.
