|
2022, №1 “Pedagogik mahorat” Ilmiy-nazariy va metodik jurnalBog'liq pedagogik mahorat 2022 1Muhokamalar va natijalar. 2019-yildan boshlab hozirga qadar BuxMTI “Energetika” fakulteti
qoshida “Ustoz-shogird” ijodiy uyushmasi faoliyat koʻrsatib kelmoqda. Professor-oʻqituvchilar va talabalar
ishtirokida oyida ikki marta ilmiy seminar oʻtkazilib, ustoz-shogird hamkorligida bajarilgan ijodiy “kichik”
ilmiy ishlar tinglanib, sara ishlarni ta’lim tizimlarida oʻrganish hamda respublika miqyosida oʻtkaziladigan
ilmiy-amaliy va texnikaviy anjumanlarda, shuningdek, ilmiy tadqiqot ishi natijasida tayyorlangan
maqolalarini matbuot sahifalarida chop ettirishga tavsiyalar berib borilmoqda.
“Ustoz-shogird” ijodiy uyushmasining ilmiy faoliyatini yoritib borish uchun “Energetika” devoriy
gazetasi tashkil qilindi. Gazeta har oyda ikki marta tayyorlanib, yangiliklar haqida ma’lumotlarni aks ettirib
boriladi. Mazkur devoriy gazeta olti rukndan tashkil topgan boʻlib,bular: “Ilm-ma’rifat chiroqlari”, “Yoshlar
ijodidan”, “Ixtirolar olamida”, “Fan va hayot”, “Biz bilamiz! Siz bilasizmi?” va “Xabarlar” ruknlaridan
tashkil topgan. Har bir ruknda “Ustoz-shogird” sifatida tayyorlangan ijodiy ishlar, jumladan, qayta
tiklanuvchi energiya manbalaridan sanoatda, xalq xoʻjaligida, kichik tadbirkorlikda va yakka xoʻjaliklarda
foydalanish imkoniyatlari va tadqiqot natijalari yoritib boriladi.
Qayta tiklanuvchi energiya manbalaridan foydalanish sohasidagi olib borilayotgan tadqiqotlar va
amaliy ishlanmalarning natijalari, shuningdek, mamlakatimiz va dunyoning bir qator mamlakatlarida ishlab
turgan minglab qurilmalar asosida aytish mumkinki, bu soha istiqbolli boʻlib, ularni oʻrganish asosida
yanada unumliroq ishlaydigan qurilmalarni yaratish bugungi kunning dolzarb masalalaridan hisoblanadi.
Qayta tiklanuvchi energiya manbalaridan foydalanishni maktablardagi 5-9-sinflarda oʻtiladigan
“Texnologiya va dizayn” hamda oliygohning kasb ta’limi yoʻnalishida oʻtiladigan “Texnologik ta’lim
praktikumi” mashgʻulotlarida konstruksion materiallardan ayrim qurilmalarni yasash va undan foydalanishni
oʻrganish jarayonida, fakultativ va toʻgarak mashgʻulotlarida, “Barkamol avlod” markazlarida sinfdan
tashqari oʻquvchilar texnik ijodkorligini tashkil qilishda, texnikumlarda, oliygohlarning bakalavr va
magistratura bosqichining ayrim yoʻnalishlari, jumladan, fizika, energetika, kasb ta’limi, agronomiya,
agromuhandislik kabi yoʻnalishlarda tanlangan yoki mutaxassislik fani sifatida oʻqitishni tashkil qilish
maqsadga muvofiqdir. Ta’lim tizimida qayta tiklanuvchi energiya manbalaridan foydalanishning nazariy va
amaliy masalalarini samarali oʻrganish va bu sohani jahon standartlari talablari darajasida rivojlantirish
uchun Oliy va oʻrta maxsus ta’limi vazirligi, Xalq ta’limi vazirligi hamda soha mutaxassislari hamkorligida
ilgʻor tajribalarga tayanib, boshlangʻich ta’limdan to oliy ta’limning keyingi bosqichigacha bosqichma-
bosqich belgilangan vazifalarni aniq maqsad asosida oʻrganish borasida tavsiyalar, shu asosda oʻquv
rejalarida ma’lum bir qoʻshimchalar kiritishga erishish kerak.
Xulosa. Oʻzbekistonning tabiiy iqlim imkoniyati, ya’ni yilning toʻrt faslida ham quyoshi porlab turgan
yurt ekanligi, bu sohadagi yirik olimlar ilmiy izlanishlari asosida toʻplangan qimmatli va boy tajribalar, turli
nashrlarda chop etilgan mavjud ilmiy ommabop maqolalar asosida qayta tiklanuvchi energiya manbalaridan
foydalanishning nazariy va amaliy masalalarini oʻrganish uchun qoʻllanma va darsliklar yaratish
imkoniyatini beradi. Natijada bu sohani yosh avlodga samarali oʻqitib, ijobiy natijalarga erishishimiz
mumkin.
|
| |
