3 (79) 2021
PEDAGOGIK MAHORAT
141
Tarqatma material namunasi
Har qanday baland minora ham yerdan, birinchi g’ishtdan boshlanadi.
Tarqatma material namunasi
Mustaqillik maydonida bunyod etilgan Mustaqillik va Ezgulik monumenti har bir bayramlarimiz va
tantanali marosimlarimizga guvohdir.
Maydon maftun etdi koʻplarni g’oyat,
Bu joyda aytildi qancha rivoyat,
Bir kuni ona-bola kirib keldi-yu
Bu maydon egasini topdi nihoyat. (A.Oripov)
Tarqatma material namunasi
Bir goʻsha suv boʻlsa, bir goʻsha qirlar,
Qancha yurtni koʻrdim, qancha taqdirlar,
Qayga borsam suyab, boshni tik tut deb,
Tog’laring izimdan ergashib yurar. (Muhammad Yusuf)
Tarqatma material namunasi
Sen bilan oʻtgan har kun bayram-bazm,
Sensiz bir on qolsam rahmim keladi.
Seni bilganlarga qilaman ta’zim,
Seni bilmaslarga rahmim keladi. (Muhammad Yusuf)
Darslarni bunday holatda tashkil etish uchun, albatta, bolaning oldida maktab oʻquvchilari uchun
moʻljallangan Qomus [7], izohli lug’at hamda sinonimlar lug’ati [8] boʻlishi talab etiladi.
Tasavvur qiling, agar sinfda 25-30 oʻquvchi yig’ilgan boʻlsa, har bir oʻquvchi mustaqil lug’at
ma’lumotnoma-yu qomuslar bilan ishlasa, mavzu mohiyatini ochishga uzog’i bilan 20 daqiqa mobaynida
kamida 20 oʻquvchi tayyor boʻladi va bolalar bir-birining talaffuzini boyitadi, kengaytiradi.
2-namuna
Zid ma’noli soʻzlar ( antonimlar)
1. Antonimlar (zid ma’noli soʻzlar) deganda nimani tushunasiz? Misollar ayting.
2. Berilgan parchada antonimik juftiga ega soʻzlarni toping va har bir antonimik juftlikning oʻziga
xosligi nimada ekanligini aytishga urining.
3. Parchadagi soʻzlarning har birining antonimlarini toping. Antonimlarni oddiy inkorlardan farqini
izohlang.
4. Soʻzning antonimlarini toping, ularni qoʻllab gaplar tuzing, ma’no nozikliklarini ayting.
5. Koʻp ma’noli soʻzlarning antonimlari qanday boʻladi?
