4.6. KO’RGAZMALILIK TAMOYILI
Mazkur tamoyil yugurish texnikasiga o’rgatishning boshlang’ich davri muhim ahamiyat kasb etadi. Harakatlar namoyishi, kinogramalar ,o’quv kinofilimlari, vidio yozuvlardan foydalanish talim jarayonining tezlashishiga, yugurish texnikasini to’g’ri o’zlashtirishga olib keladi.
Ko’rgazmalilik sportchida ma’naviy –irodaviy xususiyatlarni tarbiyalashda va buning oqibatida organizimning yanada yuqori funksional imkoniyatlarni namoyish qilishi uchun ham o’ziga xos o’rin tutadi.
Mahoratli sportchining o’rganuvchi sportchining o’rganuvchi sportchiga namunasi yosh sportchiga qiyinchiliklarni engishda, mashqlarni aniqroq bajarishda, charchoqni engishda yordam beradi. Ko’rgazmaning namoyishi va unda ko’rsatilgan harakatni sportchi tomonidan bajarilishini taqqoslash-sportchini tarbiyalash va jismoniy mahoratini takomillashtirishga xizmat qiladi.
4.7. SHAXSIYLIK TAMOYILI (individual yondashuv)
Zamonaviy mashg’ulotlar jarayonida shaxsiylik tamoyilining o’rni juda muhimdir. Sportchiga alohida yondashib, unga ta’lim berish uchun uning shaxsini yaxshilab o’rganish talab qilinadi. Bunda uning salomatligining holati, ruhiy holati, jismoniy sifatlarining rivojlanish darajasini aniqlab olish talab etiladi. Bugungi kunga kelib murabbiylar shogirdlikka tanlashdan oldin yengil atletika-sportchining kislorodni o’zlashtirishi imkoniyatlari, yurak-tomir va nafas olish tizimi faoliyatining rivojlanishi, kislorod tanqisligiga chidamliligi, fiziologik va antropologik (insonning biologik tabiati) imkoniyatlari darajasi kabi ko’plab ma’lumotlarga ega bo’lishga harakat qiladilar. Chunki, bu ma’lumotlarga ega bo’lish murabbiyga o’quv mashg’ulot jarayonini to’g’ri rejalashtirish imkoniyatini beradi. Sportchi ruhiy holati darajasini aniqlash esa murabbiyga uning shaxsiga har tomonlama ta’sir o’tkazishning eng qulay usulini qo’llashga yordam beradi.
Yuqorida ta’kidlab o’tilgan barcha tamoyillar bir-biri bilan o’zaro bog’liq bo’lib, pedagogik rag’batlantirish, manfaatdorlik, muayyan maqsad sari intiluvchanlik, ijobiy hissiyotlar rang-barangligi, mashqlarni bajarishida fikrni jamlash orqali sportchi shaxsini tarbiyalashda va uning sport mahoratini mukammal darajaga yetkazishda bir butun yaxlitk jarayonni tashkil etadi.
|
