4-mavzu. Quyosh issiqlik energiyasini to‘plovchi va qabul qilgichlar (past, o‘rta va yuqori temperaturali). Quyosh energiyasidan passiv va aktiv foydalanish. Quyosh qurilishlari va binolari. Suv isitkichlar va pechlar

Download 3.15 Mb.
bet	1/13
Sana	09.10.2023
Hajmi	3.15 Mb.
	#87386

1 2 3 4 5 6 7 8 9 ... 13

Bog'liq
4-mavzu. Quyosh issiqlik energiyasi
Mobil qurilmalarning dasturiy taminoti OA Vobkent 2 son, treee (3), treeee, Кредит модуль талабаларга, 1-MA\'RUZA, 7-bh-21 guruh talabasi Iskandarov Azizbekning-www.hozir.org, ombor logistikasi 1- amaliy ish, Guliiii, Система графических упражнений как средство творческого развития, djumagulovtin, Chiziqli bir bog, XKM dildara

1.Quyosh kollektorlari
Oddiy Quyosh kollektorining sxematik ko’rinishi.

4-mavzu. Quyosh issiqlik energiyasi

Quyosh issiqlik energiyasini to‘plovchi va qabul qilgichlar (past, o‘rta va yuqori temperaturali). Quyosh energiyasidan passiv va aktiv foydalanish. Quyosh qurilishlari va binolari. Suv isitkichlar va pechlar. Quyosh bug‘ generatorlari. Quyosh konveksion generatorlari. Termoelektrik generatorlar.

Reja:

Quyosh kollektorlari haqda umumiy ma’lumotlar.

2. Quyosh energiyasidan aktiv va passiv foydalanish.
3. Quyosh issiq suv ta’minoti tizimini tadqiq qilishю
4. Termoelektrik generatorlar.
5. Bug’ turbinali quyosh elektrostansiyalari.

1.Quyosh kollektorlari. Quyosh kollektorining dastlabki modelini 18 – asrning oxirida Shvetsariyalik olim Goratsion Sossiyur yaratgan bo’lib, ichida isish xususiyatiga ega bo’lgan qatlami mavjud shisha va yog’och qutidan iborat qurilma edi. O’sha vaqtdayoq olim uning “kichkina, arzon va oddiy” ekanligini sezgan edi. Bunday qurilmalar amaliyotga 19 – asrning oxirida Janubiy Kaliforniyada issiq suvni isitish uchun foydalanila boshlandi. Quyoshga qaragan tomoni yopiq shisha bilan qoplanib, yog’och qutiga o’rnatilgan, qora bo’yoq bilan qoplangan suvli bak ko’rinishidagi sodda Quyosh kollektori ishlab chiqarila boshlandi. Bunday kollektorlarda kechqurun suv isimasdi, uning qizishi uchun keyingi kunni kutish kerak edi. 1909 – yil Kaliforniyada Vilyam Beyli zamonaviy yassi kollektorni yaratdi . Bunda suv to’ldirilgan bak qurilmadan alohida holda bo’lib, unga borayotgan issiqlik issiqlik almashinuvchi kontur orqali edi.
Oddiy Quyosh kollektorining sxematik ko’rinishi.

Quyosh kollektorlarini ishlab – chiqarish sanoati 1940 – yillarning oxirigacha AQSH Janubiy shtatlarida Kaliforniya va Floridada eng yuksak darajasiga yetdi. Sal keyinroq, elektr va gazdan foydalanish, issiq suvni hosil qilishni narxi pasayib ketdi va Quyosh kollektorlarini ishlab – chiqarish to’xtatildi.

Quyosh kollektorlarini ishlab – chiqarishning ikkinchi bosqichi 1970 – yillarga to’g’ri keladi. Chunki bu vaqtda jahon bo’ylab neft inqirozi boshlanib, energiya bilan ta’minlovchi vositalarning narxi keskin ko’tarilib ketgan edi, natijada jahonni ko’pgina mamlakatlari, xususan, AQSH, Yaponya, Avstraliya va O’rta Yer dengizi atrofi hududlarida Quyosh kollektorini ko’p miqdorda ishlab chiqarish yo’lga qo’yildi. 1950 – yillarda Isroilda kuchli energiya tanqisligi shu darajaga yetgan ediki, hukumat kechgi payt issiq suv taminotini to’xtatib qo’yish to’g’risida qonun qabul qildi. Shu vaqtdan boshlab mamlakatda issiq suv hosil qilish uchun Quyosh qurilmalarini ishlab – chiqarish rivojlana boshlandi. 1967 – yilga kelib mamlakatning 20% aholisi Quyosh kollektoridan foydalanar edi. 70 – yillardagi energiya inqirozi vaqtida parlament har bir yangi qurilayotgan uy uchun Quyosh isitish tizimi mavjud bo’lishi to’g’risidagi qonunni qabul qildi. Bugungi kunda kelib, ushbu davlatda uy xo’jaligida sarflanayotga 85% energiyani Quyosh kollektorlari beradi . Ularda ishlab – chiqarilgan energiya miqdori mamlakat energiya ta’minotining 3% ni tashkil qiladi. Bu degani mamlakatda bir yilda 2mln. barell neft iqtisod qilindi, demakdir. 2000 – yilga kelib, energetika sohasidagi narxlarning oshishi Quyosh kollektoridan foydalanishni va ishlab – chiqarishni yangi bosqichini boshladi. 2010 – yilni boshiga kelib butun sayyorada Quyosh basseynlari va havo kollektorlarini hisobga olmaganda 150GVt quvvatli Quyosh kollektorlari o’rnatildi. Har yili 30 GVt dan ortiq quvvatni beradigan Quyosh kollektori o’rnatilyapti, hozirgi kunga kelib dunyodagi Quyosh kollektorlarining umumiy quvvati 250GVt issiqlik energiyadan ortiq energiyani ishlab chiqarmoqda va bu ko’rsatgich oshishda davom etmoqda . Jumladan, Xitoyda 2012 – yilga kelib, Quyosh kollektorlarining umumiy maydoni 145mln m², ular berayotgan umumiy issiqlik energiya miqdori 100GVt dan oshdi. Buni taqqoslaydigan bo’lsak, Rossiyadagi barcha atom stansiyalarining quvvatini birgalikda hisoblaganda ulardan to’rt baravar yuqori quvvatga ega . Shunisi qiziqki, 15 yil oldin Xitoyda Quyosh kollektorlari deyarli yo’q edi. Dastlab ushbu yo’nalish bo’yicha ishlab chiqarishni rivojlantirish yo’lga qo’yilgan bo’lsa, bugungi kunga kelib hukumat aholi uchun foydali bo’lgan kollektorlarni yaratishni kengaytirishga imkon yaratgan. Chunki Quyosh kollektoridan foydalanish iqtisodiy jihatdan juda foydali, o’zining xizmat muddati davomida Quyosh kollektori shunday miqdordagi energiyani ishlab chiqaradiki, qurilmani yasashga ketgan xarajatlarni bir necha barobar ortig’i bilan qoplanadi. Bugungi kunga kelib, Quyosh kollektorlari Quyosh energiyasidan foydalanishdagi eng samarali qurilma bo’lib qoldi. Agar fotoelektr panellar o’ziga tushayotgan Quyosh energiyasining 14-18% dan foydalansa, Quyosh kollektoridagi ushbu samara 70 - 80 % ga yetadi. Haroratga bog’liq holda Quyosh kollektorlarini quyidagi turlarga bo’lgan holda ko’rib chiqamiz:
1. Past haroratli kollektorlar – bunday kollektorlarda 50ºC dan yuqori bo’lmagan harorat olinadi. Bular basseynlardagi suvni isitishga o’xshash yuqori temperatura talab qilinmaydigan holatlarda qo’llaniladi (1 – rasm).
2. O’rta haroratli kollektorlar – bu suvni 50 - 80ºC gacha qizdirishi mumkin. Ko’pincha bunday kollektor yassi shisha plastinkali bo’lib, issiqlik tashuvchi sifatida suyuqlikdan iborat qurilma hisoblanadi.
3. Yuqori haroratli kollektorlar ko’pincha parabola ko’rinishidan iborat bo’lib, ko’pincha nisbatan kattaroq tizmlarda qaysiki, elektr energiyasini yig’ib uni shahar elektr energiyasi bo’ylab taqsimlaydigan hollarda ishlaydi.

Download 3.15 Mb.

1 2 3 4 5 6 7 8 9 ... 13

Download 3.15 Mb.