4.7-rasm. ”'SIMPLETRONIC' piltalab tandalash mashinasi
Chet elda Shveysariyaning «Beninger» firmasi ishlab chiqarayotgan piltalab
tandalash mashinalari keng tarqalgan. Bu firmaning mashinalari almashuvchi
baraban bilan jihozlangan bo‘lib. asosan kimyoviy iplarni tandalash uchun
mo‘ljallangan. Bu mashinalarda konus burchagi o‘zgartiriladi. Unda ko‘p hollarda
faqat tandalash jarayoni amalga oshiriladi, iplarni to‘quv g‘altagiga o‘rash esa
oxorlash jarayonida bajariladi. Buning uchun tandalash barabani mashinadan
ajratiladi va oxorlash mashinasiga keltiriladi.
Unumdorlikni oshirish maqsadida tandalash barabaniga bir nechta to‘quv
g‘altagiga yetadigan uzunlikdagi ip o‘raladi. Oxorlash mashinasidagi maxsus
moslama piltalar bo‘shab chiqish jarayonida barabanni siljitib boradi. Bu moslamani
tandalash tezligi kam va barabandagi ipning uzunligi katta bo‘lganda qo‘llash
maqsadga muvofiq. Almashtiriluvchi tanda barabanini qo‘llash tandalash jarayonini
takomillashtirishni talab etadi, chunki bu holda barabandagi uzilgan ipni uchini
topishning iloji bo‘lmaydi.
«Xakoba» (”Hacoba” piltalab tandalash mashinasi (Model UST E 1000)
(Paxtali, polister, jun iplari uchun)), (”Hacoba” piltalab tandalash mashinasi (Model
USK T 1000), (Viskoza, ingichka polister iplari (2,2-8,2 teks) uchun)) (Germaniya)
firmasining elektron boshqarish tizimi bilan jihozlangan USK piltalab tandalash
mashinasi ham ko‘p chet el korxonalarida samarali ishlamoqda. Mashinaning konus
burchagi bir xil bo‘lganligi uchun faqat supportning siljishi o‘zgartiriladi. Bu
mashinaning romi nax va support tig‘lari qo‘zg‘almas bo‘lib, pilta o‘ralayotgan
paytda baraban siljiydi. Piltalar to‘quv g‘altagiga o‘ralayotganda baraban teskari
tomonga siljiydi.
