|
5-ma’ruza. Mobil qurilmalarda axborot xavfsizligiBog'liq 5-MaruzaKiber hujumlar. Oddiy odamlarni nishonga oluvchi Internet xurujlari ortida, asosan, moddiy
boylik orttirishni maqsad qilgan jinoiy shaxs yoki guruhlar turadi. Ular odamlarning elektron
pochta- lari, kompyuter yoki boshqa elektron qurilmalariga kirib olib, shaxsiy ma‟lumotlarni
o„girlashadi va shu orqali ularning bank yoki kredit karta ma‟lumotlarini topib, ulardan pul
o„marishadi. Shaxsiy ma‟lumotlar, fotosurat va videolarni o„g„irlab, ularni tarqatib yuborish tahdidi
bilan odamlarga tahdid (shantaj) qilib, pul talab qilishlari ham mumkin.
Hukumat idoralari ham noqonuniy faoliyat bilan shug„ullanuvchi shaxslarni topish uchun
Internetdan keng foydalanmoqda. Agar shubhali yoki bahsli sayt va onlayn resurslardan
foydalansangiz va ulardan qanday xavfsiz foydalanish yo„llarini bilmasangiz, hech qanday jinoyat
sodir qilmagan taqdiringizda ham, xavfsizlik idoralari e‟tiboriga tushib qolishingiz mumkin va bu
siz uchun istalmagan noxushliklarni keltirib chiqarishi mumkin.
Internet xavfsizligi. Yuqorida keltirilgan noxush holatlarning oldini olish uchun Internetdan
xavfsiz foydalanish yo„l-yo„riqlarini bilish kerak. Virus va zararli dasturlar hujumidan saqlanish
uchun, odatda, maxsus himoya dasturlaridan foydalaniladi. Ammo bu kabi tahdidlarga qarshi eng
yaxshi himoya vositasi – Internetdan foydalanish qoidalari (gigienasi)ga rioya qilishdir. Internetdan
to„g„ri foydalanish qoidalarini bilsangiz va shubhali manbalarni ishonchli saytlardan farqlay
olsangiz hamda ularga duch kelganda nima qilish kerekligini bilsangiz, kiber xurujlar qurboni
bo„lishingiz ehtimoli juda kam.
E-maildan xavfsiz foydalanish. Elektron pochta – Internetning eng qulay, eng kerakli va barcha
Internet foydalanuvchilari ishlatadigan aloqa vositasi hisoblanadi. Internetning boshqa har qanday
xizmatidan foydalanish uchun, masalan, ijtimoiy tarmoqqa a‟zo bo„lish, onlayn savdoni amalga
oshirish kabi faoliyatlar uchun, avvalo, elektron pochta manziliga ega bo„lishingiz kerak.
|
| |
