|
9-sinf Informatika va axborot texnologiyalari
Pdf ko'rish
|
| bet | 132/382 | | Sana | 22.11.2023 | | Hajmi | 132,8 Mb. | | #103163 |
Bog'liq IAT 9-sinf Talabalar-uchun-darslikMinerallarni qidirish
Ekspert tizim ishlaydigan maʼlumot turlari tufayli minerallarni
qidirish tibbiy tashxisdan farq qiladi. Biroq imkon qadar
koʻproq mutaxassislarning umumlashtirilgan bilimlaridan
foydalangan holda yaratilgan bilimlar bazasi mavjud. Biroq
foydalanish mumkin boʻlgan boshqa shakldagi maʼlumotlar
mavjud:
• Sunʼiy yoʻldosh maʼlumotlari kiritilishi mumkin. Bu boshqa
usulda koʻrib boʻlmaydigan yer tuzilishlarini koʻrsata
oladigan Yer sirtining suratlari shaklida boʻlishi mumkin.
• Sezilmas harakatlarni yozib olish uchun yerga hududdagi
seysmik faollikni koʻrsatuvchi sensorlar joylashtirilishi
mumkin.
• Geologik tadqiqotlarning maʼlumotlari kiritilishi mumkin.
Masalan, sensorlar joylashtirilgan yuzadan bir necha
kilometr uzoqlikdagi yuzada portlash yuz berdi. Zarba
toʻlqinlari sensorlarga yetib kelishi uchun ketgan vaqt
davomiyligi va ushbu toʻlqinlarning kuchiga asoslanib yuza
ostidagi narsalarning xaritasini yaratish mumkin.
Ushbu barcha maʼlumotlardan foydalanib, ekspert tizim shu
hududda muayyan minerallarni topish ehtimolini bashorat
qilishi mumkin. Yodda tuting, olingan natija – bashoratdir;
natija mutlaq aniq boʻla olmaydi. Bu turdagi ekspert tizim
muayyan mineral mavjudligini uning mavjudlik ehtimolini
foizda baholash orqali bashorat qiladi.
Avtomobil dvigatelidagi nosozliklarni
aniqlash
Ustaxonaga avtomobilingizni olib borganingizda nosozliklarni
topish uchun diagnostika vositasidan foydalaniladi.
Diagnostika dasturi avtomobildagi nosozlik kodlari joylashgan
kompyuter tizimiga kiradi. Zamonaviy avtomobillarda
diagnostik skanerga ulanadigan kompyuter protsessorlari,
mikrochiplar va sensorlar mavjud; baʼzi avtoulovlarda dvigatel
boshqaruvi, tormoz tizimlar, osma tizim, oyna tozalagichlar va
boshqa tizimlarni boshqarish uchun bir nechta bloklar bor.
Afzalliklari quyidagilar: mexanika muammolarni osongina
aniqlay oladi va ularni imkon qadar tez tuzatadi; nosozliklarni
aniqlash tez va aniq amalga oshadi, shu sababli mablagʻ
tejalishi mumkin, chunki muammolarni aniqlash uchun
mexanik usta tomonidan kamroq vaqt sarflanadi; kichik
muammolarni katta, qimmat muammoga aylanib ketishidan
oldin aniqlash va tuzatish mumkin.
|
| |
