Agar,
safarni boshlashdan oldin, sunʼiy yoʻldosh
navigatsiyangizni bormoqchi boʻlgan yeringiz haqidagi
maʼlumot bilan dasturlasangiz,
navigatsiya manzilingizga
eng tez olib boruvchi yoʻnalishni hisoblab beradi. Lekin,
xohlasangiz, yurmoqchi boʻlgan yoʻnalishingiz boʻylab
turli
yoʻl nuqtalarini kiritish orqali boshqa yoʻnalishni
tanlashingiz mumkin.
Geografik axborot tizimlari (GIS)
GIS (Geographic Information Systems) Yer sirtidagi
joylashuvlarga oid maʼlumotlarni toʻplash, saqlash, tekshirish
va namoyish etishga moʻljallangan
kompyuter tizimidir; u bitta
xaritada har xil turdagi maʼlumotlarni koʻrsata oladi.
Tizim aholi, ularning daromadi yoki taʼlim darajasi haqidagi
axborotlar,
shuningdek, yer, masalan, daryolar va soylar,
oʻsimlik turlari yoki tuproq haqidagi maʼlumotlarni oʻz ichiga
olishi mumkin.
Unda zavodlar, fermer xoʻjaliklari, maktablar,
drenajlar, yoʻllar, elektr quvvati liniyalari va boshqa turdagi
koʻplab maʼlumotlar boʻlishi mumkin.
