kompyuterlar haqida kam maʼlumotga ega kishi uchun ham
GUI interfeysidan foydalanish imkoniyatini yaratadi.
Kompyuter bilan muloqot qilishning yana bir interfeysi
buyruqlar qatori interfeysi (CLI) hisoblanadi (1.04-rasmga
qarang).
Biroq ushbu jarayonda kompyuterga nima qilish kerakligini
aytish uchun muayyan buyruqni yozishingiz kerak. Bu qiyin
jarayon bo‘lib, uning asosiy ikkita sababi mavjud:
• foydalanuvchi ushbu interfeysdan
foydalanish uchun uning
barcha buyruqlarini bilishi kerak;
• foydalanuvchi buyruqlar imlosida xato qilmasligi kerak, aks
holda, kompyuter buyruqlarni tushuna olmaydi va bajarmaydi.
CLI interfeysidan asosan kompyuter tizimlariga xizmat
koʻrsatuvchi texnik mutaxassislar foydalanadi. Texnik
mutaxassislar barcha buyruqlarni
biladi va butun tizimga kirib,
undan foydalanish imkoniyatiga ega bo‘ladi. Biroq GUIdan
foydalanishning kamchiligi sifatida,
foydalanayotgan shaxs
faqat ikonkalar bilan koʻrsatilgan joylargagina kira olishi
mumkin ekanini ta’kidlash mumkin.
1.03 Operatsion tizimlar
Siz dasturlar “kompyuterga hayot baxshida etishi” va
kompyuteringizni boshqaruvchi dastur operatsion tizim (OS)
yoki tizimli dasturiy ta’minot deb atalishi haqida bilib oldingiz.
OS kompyuter tizimidagi barcha
dastur va qurilmalarni
boshqaradi. OSning bir necha turlari mavjud. Ulardan eng
keng tarqalgan uchtasi: shaxsiy kompyuterlar uchun Microsoft
Windows, Macintosh (Mac) kompyuterlari
uchun Apple OS X va
Linux operatsion tizimlari.
Aksariyat shaxsiy kompyuterlarda MS Windows OS avvaldan
yuklangan bo‘ladi; barcha yangi Mac kompyuterlarida OS X
yuklangan boʻladi; Linux ochiq kodli operatsion tizim bo‘lib,
uning kodini oʻzgartirish va yangi kodni tarqatish mumkin.
