|
9-sinf Informatika va axborot texnologiyalari
Pdf ko'rish
|
| bet | 16/382 | | Sana | 22.11.2023 | | Hajmi | 132,8 Mb. | | #103163 |
Bog'liq IAT 9-sinf Talabalar-uchun-darsliktezkor xotira (RAM) deb
ataladi. Joriy vaqtda foydalanilayotgan barcha dasturlar,
ulardagi maʼlumotlar tezkor xotirada saqlanadi.
RAM xotirasini ish stoli yoki parta deb tasavvur qiling. Ishga
kirishishdan oldin noutbuk, darslik, bloknot va ruchkangizni
olib, barchasini stolga qoʻyishingiz kerak. Bu xuddi kerakli
dasturni RAMga joylashtirish uchun dastur ikonkasi ustiga
bosish orqali uni ishga tushirishga oʻxshaydi; keyin esa kerakli
faylni ochishingiz, yaʼni RAMga joylash uchun kursorni uning
nomi va u saqlanadigan disk ustiga bosishingiz kerak bo‘ladi.
Endi ishingizni bajarish uchun kerak boʻlgan barcha narsa
mavjud, ulardan foydalanishingiz mumkin.
Odatda kompyuterdagi RAM xotira ROMdan ancha katta boʻladi,
chunki RAM xotirasi koʻproq narsani saqlashi kerak. Biroq baʼzi
kompyuter tizimlarida ROM xotirasi katta bo‘lishi mumkin;
bunga kir yuvish mashinasi kabi mikroprotsessor tomonidan
boshqariladigan kundalik maishiy jihozlar misol bo‘la oladi.
ESLATMA: ROM asosiy xotirasini CD ROM yoki DVD ROM bilan
almashtirib yubormang; ular boshqa qurilmalardir.
Zaxira xotiralar
Tashqi xotira qurilmasidan protsessor oʻchirilganda
dasturlar va maʼlumotlarni saqlash uchun foydalaniladi. Ushbu
dastur va maʼlumotdan foydalanish uchun ularni protsessor
xotirasiga qayta joylashtirish lozim.
Ushbu saqlash qurilmasi
zaxiradagi xotira, ikkilamchi
xotira yoki tashqi xotira deb ham ataladi. Bu nomlarning
barchasi ayni bir qurilmani anglatadi.
KALIT SOʻZLAR
Zaxira xotira: maʼlumotlarni saqlash uchun ikkilamchi xotira
qurilmasi.
Tashqi xotira qurilmasi: maʼlumotlarni saqlash uchun xotira,
odatda kompyuterdagi USB-portiga ulanadi.
Ikkilamchi xotira qurilmasi: baʼzan tashqi xotira deb
ataladi, bu energiyaga bo‘g‘liq bo‘lmagan xotira hisoblanadi
(kompyuter oʻchirilganda saqlangan maʼlumotlar o‘chib
ketmaydi); flesh xotira qurilmasi bunga misol boʻladi.
|
| |
