Uslublar, rang sxemalari, oʻtish-effektlari va
animatsiyalarning izchilligi
Professional koʻrinishdagi taqdimotlarda izchil uslub mavjud
va butun slayd bilan solishtirganda tanlangan ranglar
aralashib ketmaydi, shrift va tasvir oʻlchamlari
butun taqdimot
bo‘ylab uzluksizlik darajasini koʻrsatadi, oʻtish-effektlari va
animatsiyalar to‘g‘ri vaqtda ishlatilgan hamda koʻngil olish va
xabar berish vazifasini bajaradi, auditoriyani chalgʻitmaydi.
Koʻpchilik taqdimot bilan ishlash dastur paketlari ranglar,
shriftlar,
uslublar, effektlar oldindan belgilangan dizayn
uslublarini o‘z ichiga oladi. Shrift turlari va oʻlchamlari ham
oldindan belgilangan va barcha oʻxshash sarlavha turlari bir xil
oʻlcham, tur va rangga ega boʻladi.
Bu taqdimotingiz yanada professional koʻrinishga ega
boʻlishini taʼminlaydi.
Taqdimotning koʻrinishi eng ahamiyatli jihat emas. Taqdimot
samarali boʻlishi kerak. Taqdimot qanday koʻrinishidan
qatʼi nazar ko‘zlangan maqsadga xizmat qilishi kerak.
Taqdimotlardan foydalanishning asosiy sabablari quyidagilar:
• Soʻzlovchiga nutqining barcha
muhim jihatlarini yodda
saqlashga yordam berish. Bu taqdimotchida koʻp gapirishi
va matnga tayanishini anglatmaydi. Chunki slayd faqat
cheklangan miqdordagi matnni sigʻdira oladi. Agar
auditoriyadan har bir slayddagi maʼlumotlarni oʻqishi talab
qilinsa, ular taqdimotchining gaplariga e’tiborsiz bo‘lib
qolishi mumkin.
• Taqdimot
davomida diagramma, grafik yoki tasvirdagi
tegishli maʼlumotni belgilash.
• Oʻquvchilar elementlarni toʻgʻri bloklarga
drag and drop
usulida qoʻyishi va tezkor fikr-mulohazalarni
qabul qilishi
uchun interfaol Flash taqdimotlardan oʻqitish vositasi
sifatida foydalanish.
• Axborotni avtomatik ravishda toʻxtovsiz, soʻzlovchisiz
taqdim etilishi mumkin boʻlgan siklda, masalan, oflayn
elektron reklamalarni koʻrsatish.
19.02-rasmdagi birinchi misolda rang sxemasi oldindan
belgilangan, 19.03-rasmda mavjud tanlanma koʻrsatilgan.
Quyidagi obyektlar –
tasvirlar, matn, logotiplar, slaydning
pastki kolontitullari va avtomatik slaydlarni raqamlash
kabi bo‘sh joylarga joylash uchun master-slayd yarating.
Master-slaydga rasm uchun bo‘sh
joyni kiritish keyingi
boshqa har bir slaydda ham uni paydo qiladi. Master-slayd
namuna bilan bir xil vazifani bajaradi. Bo‘sh joylardan
taqdimotingizda turli slaydlarning maʼlum obyekt
turlarini joylashtirish uchun foydalaniladi. Tasvirlar, matn,
multimedia (video, tovush va boshqalar),
diagrammalar,
jadvallar, SmartArt va hokazolar uchun bo‘sh joylar boʻlishi
mumkin.
