Oldindan belgilangan rang sxemalari
va dizaynlari har bir slayd
uchun alohida dizayn yaratishga vaqt sarflash va slaydlar
uchun izchil uslub yaratish oʻrniga, taqdimotning kontentiga
eʼtibor qaratishga imkon beradi.
Almashish effektlari bir slayddan keyingi slaydga oʻtish
vaqtida
ishga tushadigan vizual effektlardir. Misol uchun, kitob varag‘i
kabi bir slaydning ikkinchi slayd ustiga “ochilishi” effekti 19.04-
rasm. Taqdimotlar paketida mavjud turli almashish effektlari.
Agar taqdimotchi uzun nutq soʻzlasa, taqdimotni jonlantirish
uchun almashish effektlari toʻplami
qiziqarli harakatlarni
ko‘rsatadi. Zarur bo‘lsa, tovush qoʻshishingiz mumkin. Lekin
bu auditoriyani chalgʻitish vositasi boʻlmasligi kerak. Aks
holda ular taqdimot yoki nutqning oʻrniga tovushga eʼtiborini
qaratadi. Izchillikni ta’minlash uchun barcha slaydlaringizga
yoki zarur bo‘lsa faqat ma’lum slaydlaringizga o‘tish-
effektlarini qo‘llashingiz mumkin.
Baʼzida keyingi slaydga oʻtish
uchun sichqoncha yoki
klaviaturadan foydalanmagan holda almashish zarur bo‘ladi.
Bunday holatlarda, slaydlarni bir necha daqiqa yoki soniyadan
keyin keyingi slaydga avtomatik oʻtishga sozlash tavsiya etiladi.
Biroq bu amalda har doim ham yaxshi ishlamasligi mumkin.
Chunki agar taqdimot qilayotgan boʻlsangiz,
sizga berilgan
vaqtni uzaytirish yoki qisqartirishga toʻgʻri kelishi mumkin. Bu
nutqingiz davomida shoshib qolishga sabab boʻlishi mumkin.
Agar shunday boʻladi deb hisoblasangiz,
On Mouse Click
parametridan foydalaning. Bu keyingi
sahifaga belgilangan
vaqtda emas, balki oʻtishga tayyor boʻlganda oʻtishga
imkon beradi. Siz har doim ham har bir slaydga qancha vaqt
sarflashingizni bilmasligingiz mumkin va shu sababli avtomatik
almashish har doim ham eng yaxshi usul emas.
Animatsiyalar taqdimotingizga biroz hazil qoʻshib, uni
auditoriya uchun qiziqarli qilish uchun moʻljallangan.
Biroq
bu taqdimotchining maqsadiga ko‘ra taqdimotda maʼlum
jihatni tushuntirish yoki aniqlashtirish uchun animatsiyaning
samaradorligiga bogʻliq boʻladi. Shuningdek,
haddan
ortiq animatsiyalar auditoriyani taqdimotingizning asosiy
maqsadidan chalgʻitadi. Agar ular taqdimotda foydalanilishi
shart bo‘lsa, ularning aniq maqsadi belgilab olinishi kerak.
19.03-rasm. Taqdimotlar dasturi paketlarida oldindan belgilangan dizaynlar.
