19.02 Taqdimot slaydlarini
yaratish uchun muvofiq dastur
vositalaridan foydalanish
Hozirda turli auditoriyaning talablariga javob berish uchun
taqdimotlar yanada murakkab obyektlarni talab qiladi.
Turli
auditoriya ehtiyojlariga javob berishga misol qilib fotografni
keltirish mumkin. Odatda fotograf taqdimot rejimida
suratlarini koʻrsatishi, ularning
mazmunini matnda berishi
mumkin. Taqdimotingiz bularni aks ettirishi uchun turli usullar
mavjud. Suratlar taqdimot slaydlariga oʻtkazilishidan oldin
rasmni tahrir qiluvchi dasturda ishlov berilishi mumkin.
Zarur
ichki uslub dizaynlari butun taqdimotda izchillikni taʼminlash
uchun tanlanishi mumkin. Rasmlar har bir slaydda turli
maketlarda koʻrsatilishi yoki bir slaydda ijodkorona uslublarda
burish, oʻgirish, oʻlchamini oʻzgartirish, qoplash,
hoshiyalar
qoʻyish va boshqa usullar orqali joylashtirilishi mumkin. Faqat
suratlaringizni koʻrsatishni istasangiz,
dastur imkoniyatidan
kelib chiqqan holda fotoalbom yoki uslublarda qoʻshishingiz
mumkin. Shu kabi boshqa multimedia elementlari, masalan,
tovush, animatsiyalar yoki videolar tegishli dasturda tahrir
qilinishi va taqdimotingizda slaydlarga koʻchirilishi mumkin.
Agar onlayn taqdimot paketlaridan
birini ishlatayotgan
boʻlsangiz, taqdimotning turli qismlarini turli mualliflar
bilan guruh bo‘lib hamkorlikda ishlab chiqishingiz mumkin.
Guruhdagi har bir kishi istagan vaqtida taqdimotga kirishi va
taqdimotdagi
progressni baholashi, oʻz hissasini qoʻshishi va
guruhning ehtiyojlariga mos ravishda taqdimotni tahrirlashi
mumkin.
