|
Optik xotira qurilmaning har xil turlaridan
Pdf ko'rish
|
| bet | 62/382 | | Sana | 22.11.2023 | | Hajmi | 132,8 Mb. | | #103163 |
Bog'liq IAT 9-sinf Talabalar-uchun-darslikOptik xotira qurilmaning har xil turlaridan
foydalanish
CD ROM va DVD ROM disklarga ma’lumot yozib boʻlmaydi,
ulardan faqat ma’lumot oʻqilishi mumkin. Bu CD va DVD disklar
kontentini hech qachon oʻzgartirib boʻlmasligini anglatadi.
Buning katta afzalligi kontentni buzilib ketishdan himoya
qilishdir.Ulardan musiqa yoki filmlarni sotishda foydalanish
mumkin. Dastur ishlab chiquvchi kompaniyalar ulardan
dasturlar va maʼlumot fayllarini, nashriyotlar esa ensiklopediya
kabi maʼlumot materialini tarqatish uchun foydalanadi.
Xotiraning bu shakli mustahkamdir, chunki qurilmaga shikast
yetkazish oson emas, shu bilan birga, ular katta hajmdagi
maʼlumotlarni saqlaydi va nisbatan arzondir. Shuningdek, ular
oʻzlarida saqlanadigan maʼlumotlar himoyasi afzalligiga ega,
chunki uni oʻzgartirib boʻlmaydi.
Baʼzi vaqtlarda afzallik boʻlgan narsa boshqa paytda
kamchilikdir, masalan, sizga musiqa ortiq yoqmay qoldi yoki
filmni istaganingizcha qayta-qayta koʻrib boʻldingiz deylik,
bunda kontentni oʻzgartirish imkoni boʻlsa, ajoyib boʻlardi,
lekin bu hozirgi jarayonda imkonsiz.
CD R va DVD R disklarga faqat bir marta yozish mumkin, lekin
undan keyin kontentni oʻzgartirib boʻlmaydi. Ulardan musiqa
yoki kinolarni saqlash yoki muayyan vaqtda, masalan, arxiv
uchun fayllardan nusxa olish kabi jarayonlarda foydalaniladi.
Biroq ularga maʼlumot yozilgach, ushbu maʼlumotga
oʻzgartirish kiritib boʻlmaydi, bu esa fayllarni muntazam
zaxiralash uchun ularning u qadar foydali emasligini bildiradi,
chunki har safar zaxiralash kerak boʻlganda yangi diskdan
foydalanishga toʻgʻri keladi.
CD R va DVD R disklarining afzalligi shundaki, ularga oʻzingiz
xohlagan narsani yoza olasiz, shundan soʻng ulardagi material
saqlanib qoladi. Kamchiliklari esa ularga faqat bir marta yozish
mumkinligi va barcha CD/DVD qurilmalar ham (masalan,
musiqiy CD pleyerlar) ularni oʻqiy olmasligida namoyon boʻladi.
|
| |
