Ushbu uch turdagi maʼlumotlarning
barchasi qattiq diskda
saqlanadi, soʻng ular kerak boʻlganida kompyuterning RAM
xotirasiga yuboriladi.
Diskdagi maʼlumotlar shunday tartiblanganki, ularga
bevosita kirish mumkin. Diskning sirtida indeks boʻladi. Agar
foydalanuvchi muayyan fayl yoki maʼlumotni oʻqish
uchun
koʻrsatma yuborsa, oʻqish/yozish golovkasi uning qayerdaligini
topish uchun indeksni koʻrib chiqadi, soʻng toʻgʻri diskning
oʻsha qismiga boradi. Bu jarayon
maʼlumotga bevosita
kirish deb ataladi hamda shunchaki birgina maʼlumotni
topish uchun butun diskni oʻqib chiqish zarurati yoʻqligini
anglatadi, bu esa jarayonni nihoyatda tezlashtiradi. Bu
turdagi maʼlumotlarga bevosita kirish ulardan tezkorlik bilan
foydalanish zarur boʻlgan hollarda muhimdir.
Portativ va yechiladigan qattiq disklar
Ushbu qattiq disk turi qoʻzgʻalmas qattiq diskga juda oʻxshash
hamda ular bir xil texnologiyadan foydalangan holda ishlaydi.
Yagona farqi shundaki, odatda
ular tizimli blok ichiga
joylanmagan va kompyuter bilan boshqa turdagi bog‘lanishga
ega boʻladi, masalan, USB orqali ulanish mumkin (3.02-rasmga
qarang). Maʼlumotlarni oʻqish yoki maʼlumot yozish uchun
ularni osongina kompyuterga ulash mumkin. Shundan
soʻng ularni kompyuterdan uzish va kerakli yerga olib ketish
mumkin.
Ular qoʻzgʻalmas qattiq
disklarga qaraganda ancha
ehtiyotkorlik bilan himoyalanishi kerak, chunki
harakatlantirilayotganda nimagadir urilib ketishi mumkin.
Himoyaga qaramasdan, ular baribir moʻrt hisoblanadi.
Ularning narxi portativ xotira
qurilmalarining boshqa
shakllariga qaraganda qimmatroq, biroq ancha koʻproq
maʼlumot saqlay oladi, shu sababli ular, ayniqsa,
tizimdagi
barcha maʼlumotlar nusxasini hosil qilish uchun foydalidir.
3.02-rasm. Portativ qattiq disk.
Portativ ma’lumot tashuvchining afzalliklari quyidagilar:
• Qoʻzgʻalmas qattiq diskdan farqli oʻlaroq, u tashqi quvvat
manbayini talab qilmaydi, shu sababli uni USB-portga
ulashingiz va darhol foydalanishni boshlashingiz mumkin.
• Agar yoʻlda boʻlsangiz, oʻzingiz
bilan olib yurish uchun
yetarlicha kichik, hatto juda ixcham bo‘ladi. Ayrim hollarda
shikastlanish ehtimolini minimallashtirishga yordam
berishi uchun qattiq tashqi qobiqqa ega bo‘lishi mumkin.
