|
9-sinf Informatika va axborot texnologiyalari
Pdf ko'rish
|
| bet | 63/382 | | Sana | 22.11.2023 | | Hajmi | 132,8 Mb. | | #103163 |
Bog'liq IAT 9-sinf Talabalar-uchun-darslikCD RW va DVD RW disklar fayllarni bir kompyuterdan
boshqasiga olib oʻtish, ehtimol, uyda kompyuterda bajargan
ishingizni maktabga olib borish uchun mukammal vositadir.
Ularga shikast yetkazilishi qiyin hamda ular katta hajmli
maʼlumotlarni saqlay oladi. Ularga qayta yozish mumkin
boʻlgani sababli bu disklardan bir necha marotaba foydalanish
mumkin. Bu sifat ularni tizimdagi fayllarning zaxira nusxasini
olish uchun ham mukammal vositaga aylantiradi.
Agar biror kompaniya har oqshom oʻz tizimidagi barcha
fayllarning zaxira nusxalarini binodan olib chiqib ketishi uchun
ularni biror qurilmada saqlashga qaror qilsa, DVD RW buning
uchun mukammal shakldir. U mustahkam, portativ, katta
hajmdagi maʼlumotlarni saqlay oladi va har oqshom unga
qaytadan yangi maʼlumot yozish mumkin.
DVD RAM disk DVD RW diskka juda oʻxshash, lekin maʼlumotlar
diskning sirtida boshqacha usulda saqlanadi. Xotiraning
boshqacha shakli shuni anglatadiki, uning sirtiga DVD RW
yuzasiga qaraganda ancha koʻproq marta yozish mumkin.
Shuningdek, bu maʼlumotlarga kirish tezroq ekanini ham
bildiradi. Yozish va oʻqish jarayoni bir vaqtda amalga
oshirilishi mumkin: agar DVD RAM diskdan televizion yozish
mashinasining xotirasi sifatida foydalanilsa, diskdan biror
teledasturni tomosha qilish bilan bir vaqtda, boshqa bir
teledasturni yozib olish mumkin boʻladi. Bu ulardan maishiy
yozish qurilmalarida teledasturlarni yozib olish va tomosha
qilish uchun hamda ularning kompyuter xotirasini qoʻllab-
quvvatlash uchun qoʻshimcha tizim sifatida ishlatilishi
mumkin ekanini bildiradi. DVD diskining boshqa shakllaridan
qimmatroq, shu bilan birga, ular kattaroq hajmga ega, biroq
odatiy DVD-pleyerda ulardan foydalanib boʻlmaydi.
Blu-ray disklar boshqa optik xotira qurilmalariga qaraganda
nihoyatda katta xotira sigʻimiga ega boʻlib, bir vaqtning oʻzida
yuqori tezlikdagi uzatishlarni amalga oshira oladi. Bu ikki
afzallik soatlab davom etadigan yuqori aniqlikdagi videolarni
yozib olish va qayta koʻrish imkoniyati mavjudligini anglatadi.
Kamchiligi uning narxida, u standart DVD disklardan ancha
qimmat.
|
| |
