Tadqiqot natijalarining joriy qilinishi. Qoraqalpogʻiston Respublikasining
turli darajada shoʻrlangan oʻtloqi–allyuvial tuproqlari sharoitida kuzgi bugʻdoy
maydonlarida tarqalgan begona oʻtlarga qarshi kurashishda turli gerbitsidlarni
qoʻllash samaradorligini oʻrganish boʻyicha olib borilgan ilmiy tadqiqot natijalari
asosida:
gʻallachilikka ixtisoslashgan fermer va agroklaster xoʻjaliklari uchun
“Qoraqalpogʻistonning kuzgi bugʻdoy maydonlarida tarqalgan bir va koʻp yillik
begona oʻtlarga qarshi gerbitsidlarni qoʻllash boʻyicha tavsiyanoma” ishlab chiqilgan
va tasdiqlangan (Qoraqalpogʻiston Respublikasi Qishloq xoʻjaligi vazirligining 2023
yil 4 iyuldagi 01/014-2380-sonli ma‟lumotnomasi). Ushbu tavsiyanoma bugungi
kunda boshoqli don ekinlari yetishtiruvchi agroklaster va fermer xoʻjaliklarida
qoʻllanma sifatida keng foydalanib kelinmoqda;
kuzgi bugʻdoy maydonlarida keng tarqalgan qamish va boshqa koʻp yillik
begona oʻtlarga qarshi don hosili yigʻishtirib olingandan soʻng (nooʻsuv davrida)
Glifor,
75,7%
gerbitsidini
1,5 kg/ga me‟yorida qoʻllash texnologiyasi
Qoraqalpogʻiston Respublikasining Chimboy tumanida 7,9 ga, Kegeyli tumanida 4,5
ga, jami 12,4 gektar maydonga joriy etilgan (Qoraqalpogʻiston Respublikasi Qishloq
xoʻjaligi vazirligining 2023 yil 4 iyuldagi 01/014-2380-son ma‟lumotnomasi). Ushbu
agrotexnologiya qoʻllanilganda gʻalla maydonlaridagi qamish va boshqa koʻp
yilliklarni 76,8-82,4% kamayishiga olib kelgan. Natijada kuzgi bugʻdoydan 36,3-37,5
s/ga don hosili yetishtirilib, 2187,0–2547,0 ming/soʻm sof foyda olinib, rentabellik
darajasi 25,2-29,3% ni tashkil etgan.
kuzgi bugʻdoy tuplanish davrida (oʻsuv davrida) bir va koʻp yillik, bir va ikki
pallali begona oʻtlarga qarshi Serto Plyus, 75% gerbitsidini 100 g/ga + Klodimeks,
8% gerbitsidini 0,3
l /ga me‟yorlarida birgalikda qoʻllash texnologiyasi
Qoraqalpogʻiston Respublikasining Chimboy tumanida 69,3 ga, Qonlikoʻl tumanida
54,1 ga, jami 123,4 gektar maydonga joriy etilgan (Qoraqalpogʻiston Respublikasi
Qishloq xoʻjaligi vazirligining 2023 yil 4 iyuldagi 01/014-2380-son
ma‟lumotnomasi). Natijada kuzgi bugʻdoy maydonidagi bir yillik begona oʻtlarni
10
85,1-90,7%, koʻp yilliklarni 78,8-80,7% ga kamayishi ta‟minlab, gektaridan 37,2-
38,8 s don hosili olinib, sof foyda 2457,0–2937,0 ming soʻm/ga, rentabellik darajasi
28,2-33,7% ni tashkil etgan.
