6-bob. Davlat nazorati natijalarini rasmiylashtirish va amalga oshirish
42. Davlat nazorati natijalarini rasmiylashtirish belgilangan tartibda:
tekshirish natijalari bo’yicha davlat nazorati sub’yektlari tomonidan aholi va
hududlarni tabiiy hamda texnogen xususiyatli favqulodda vaziyatlardan muhofaza qilish,
fuqaro muhofazasi, shuningdek kemalar, shu jumladan kichik hajmli kemalardan
12
xavfsiz foydalanish sohasida qonun hujjatlari talablariga rioya qilinishini tekshirish
natijalari bo’yicha ma’lumotnoma yoki dalolatnoma;
davlat ekspertizasi natijalari bo’yicha xulosalar tuzish yo’li bilan amalga
oshiriladi.
Davlat nazorati natijalari qonun hujjatlariga muvofiq boshqa usullar bilan ham
rasmiylashtirilishi mumkin.
43. Aholi va hududlarning tabiiy hamda texnogen xususiyatli favqulodda
vaziyatlardan muhofaza qilish, fuqaro muhofazasi, kichik hajmli kemalardan va ular
to’xtab turadigan bazalardan (inshootlardan) foydalanish qoidalari, shuningdek,
kemachilikni tartibga soluvchi qoidalarni tekshirish natijalari belgilangan shakl bo’yicha
dalolatnoma yoki ma’lumotnoma tarzda rasmiylashtiriladi.
44. Ma’lumotnoma aholi va hududlarning tabiiy hamda texnogen xususiyatli
favqulodda vaziyatlardan muhofaza qilish, fuqaro muhofazasi, kichik hajmli
kemalardan va ular to’xtab turadigan bazalardan (inshootlardan) foydalanish qoidalari,
shuningdek, kemachilikni tartibga solish qoidalari buzilmagan taqdirda tuziladi.
Ma’lumotnomada tekshirish o’tkazilganligi qayd etilib, o’tkazilgan tekshirish bo’yicha
savollar ro’yxati hamda biror-bir kamchilik aniqlanmaganligi ko’rsatiladi.
45. Ma’lumotnoma FVVnig mansabdor shaxsi va tekshiruvda ishtirok etgan
boshqa mansabdor shaxslar tomonidan imzolanib, davlat nazorati sub’yekti rahbariga
imzolash yo’li bilan tanishib chiqish uchun taqdim etiladi (yuboriladi).
46. Dalolatnoma aholi va hududlarni tabiiy hamda texnogen xususiyatli
favqulodda vaziyatlardan muhofaza qilish, fuqaro muhofazasi, kichik hajmli
kemalardan va ular to’xtab turadigan bazalardan (inshootlardan) foydalanish qoidalari,
shuningdek, kemachilikni tartibga solish qoidalari buzilgan taqdirda tuziladi.
Dalolatnoma tuzishda FVVning mansabdor shaxsi tomonidan reja-topshiriqda ko’zda
tutilgan har bir savol bo’yicha mavjud holatdagi kamchiliklar, qonunchilik
hujjatlarining nomi va me’yorlari bayon qilinadi.
47. Dalolatnoma FVVnig mansabdor shaxsi va tekshiruvda ishtirok etgan
boshqa mansabdor shaxslar tomonidan imzolanib, davlat nazorati sub’yekti rahbariga
imzolash yo’li bilan tanishib chiqish uchun taqdim etiladi (yuboriladi).
13
48. Tekshiruv natijalari bo’yicha dalolatnoma (ma’lumotnoma) o’tkazilgan
tekshiruvning asosiy hujjati hisoblanadi.
49. Davlat nazoratidagi sub’yektlar tomonidan aholi va hududlarni tabiiy va
texnogen xususiyatli favqulodda vaziyatlardan muhofaza qilish, fuqaro muhofazasi,
shuningdek kichik hajmli kemalardan xavfsiz foydalanish sohasida qonun hujjatlari
talablari buzilgan holatlar aniqlanganda davlat nazorati natijalari bo’yicha tuzilgan
dalolatnoma asosida ma’muriy huquqbuzarlik to’g’risida protokol tuziladi.
50. Ma’muriy huquqbuzarlik to’g’risidagi protokol huquqbuzarlik sodir etilgan
yoki aniqlangan vaqtdan boshlab bir sutkadan kechikmay tekshiruv hujjatlari bilan birga
ma’muriy sudga yuboriladi.
Agar huquqbuzarlik natijasida moddiy zarar yetkazilgan bo’lsa, u holda bu
haqda ham protokolda qayd etiladi.
Protokol uni tuzgan shaxs hamda ma’muriy huquqbuzarlik sodir etgan shaxs
tomonidan, agar guvohlar hamda jabrlanuvchilar bo’lsa — ular tomonidan ham
imzolanadi.
51. Ma’muriy sudga quyidagi hujjatlar taqdim etiladi:
tekshirishni o’tkazish uchun taqdimnoma;
ob’yektni tekshirish bo’yicha reja-topshiriq;
davlat nazoratidagi sub’yektni tekshirish dalolatnomasi;
komissiyada qatnashgan mutaxassislarning xulosasi;
huquqbuzarlikni sodir etgan shaxsning tushuntirish xati;
ma’muriy huquqbuzarlik haqida protokol;
imzolashdan bosh tortganlik haqidagi dalolatnoma (agar mavjud bo’lsa);
huquqbuzarlikni sodir etgan shaxsning pasporti (yoki shaxsini tasdiqlovchi
boshqa hujjatning) nusxasi;
tekshiruvchi mansabdor shaxsning (komissiya raisining), tekshirishni o’tkazish
uchun taqdimnoma bergan FVV mansabdor shaxsi nomiga aniqlangan huquqbuzarliklar,
shuningdek ma’muriy ish materiallarini sudga yuborish haqida raporti;
yuqorida ko’rsatilgan barcha hujjatlar bilan birgalikdagi kuzatuv xati.
52. Materiallar sudga yuborilishidan va sud tomonidan ko’rib chiqilishidan qat’i
14
nazar, tekshirishni o’tkazgan FVV mansabdor shaxslari tekshirilgan davlat nazoratidagi
sub’yektning tegishli rahbarlari va mas’ul shaxslari tomonidan aniqlangan kamchiliklar
bartaraf etilishini nazorat qilib borishni ta’minlashi shart.
53. Kichik hajmli kemalarni ro’yxatdan o’tkazish qoidalari buzilganda
ma’muriy huquqbuzarlik to’g’risidagi ishlarni ko’rib chiqish va ma’muriy jazo
qo’llashga FVVning FVDT nazorat qilish inspeksiyasi boshlig’i va katta ofitseri, Kichik
hajmli kemalar inspeksiyasi boshlig’i va bosh mutaxassisi, shuningdek hududiy
favqulodda vaziyatlar boshqarmalarining bosh inspektorlari haqlidirlar.
54. Davlat nazorati natijalari qonunchilik asosida boshqa shakllarda ham amalga
oshirilishi mumkin.
55. Kompleks tekshiruv natijalariga ko’ra davlat nazoratidagi sub’yektning
favqulodda vaziyatlarda harakat qilishga tayyorgarlik holati quyidagicha baholanadi:
«Tayyor» — aholini va hududlarni tabiiy hamda texnogen xususiyatli
favqulodda vaziyatlardan muhofaza qilish, shuningdek fuqaro muhofazasi to’g’risidagi
qonun hujjatlarining talablari to’liq bajarilishi ta’minlanmoqda;
«Cheklangan tayyor» — aholini va hududlarni tabiiy hamda texnogen
xususiyatli favqulodda vaziyatlardan muhofaza qilish, shuningdek fuqaro muhofazasi
to’g’risidagi qonun hujjatlari talablarining to’liq bajarilishi ta’minlanmayapti, mavjud
kamchiliklarni qisqa muddatda bartaraf etish mumkin;
«Tayyor emas» — aholini va hududlarni tabiiy hamda texnogen xususiyatli
favqulodda vaziyatlardan muhofaza qilish, shuningdek fuqaro muhofazasi to’g’risidagi
qonun hujjatlari talablarining bajarilishi qisman ta’minlanayapti, ayrim talablar
bajarilmagan.
7-bob. Yakunlovchi qoida
56. Ushbu Nizom talablari buzilishida aybdor bo’lgan shaxslar qonun
hujjatlarida belgilangan tartibda javob beradilar.
15
|