Avtomatlashtirish sistemalarini loyihalash,o’rnatish va sozlash, Avtomatlashtirishning elektromexanik sistemalari, Sohaning texnologik o’lchashlari va asboblari

Bular himoyalovchi metall g’ilof ichida yoki g’ilofsiz o’rnatiladi, ya’ni termometr o’lchanadigan muhitga bevosita botiriladi. Sanoat sharoitlarida, odatda bunday termometr g’ilof 9 (139-rasm, a) ichida o’rnatiladi. Bunday g’ilof termometrni sinishdan saqlaydi va asbobni etarli darajada mustahkam va zich o’rnatishni ta’minlaydi. G’ilofning uzhunligi termometrni botirish chuqurligiga va uzunligiga bog’liq. G’ilof cho’ntak 3 li shtuser 6 va bu shtuserga gayka 8 bilan mahkamlangan yuqori qismdan iborat. G’ilofning shtuseri trubaga yoki rezervuar 2 ga payvandlangan bo’rtma 4 ga burab o’rnatiladi.

G’ilofning ichki yuzasidan termometrning termoballoniga issiqlik uzatishni yaxshilash uchun gilzada termoballon bilan g’ilofning devorlari o’rtasida paydo bo’ladigan tirqish (bo’shliq) 150 S gacha temperaturani o’lchashda mashina moyi bilan, bundan yuqori temperaturalarni o’lchashda esa mis qipiqlari bilan to’ldiriladi. Bunda to’ldirgich 7 rasmda ko’rsatilgandek, faqat termometrning termoballonini qoplashi lozim. G’ilof ortiqcha to’ldirib yuborilganda o’lchash aniqligi pasayadi va asbobning issiqlik inersiyasi ortadi.