63
3.6-rasm. Guruhli videokonferensiya jarayoni.
Guruhli videokonferensiyaning asosiy
maqsadi masofada joylashgan
suhbatdosh insonlar guruhiga qulay videoaloqani taʼminlash hisoblanadi. Umuman
olganda, videokonferensiya aloqaning ushbu yechimi ikkita vazifani hal qilishga
mo‘ljallangan:
1. Videokonferensiya ishtirokchilarining baʼzilarini videotasvirlarini (ovoz
bilan birga) boshqalarga uzatish;
2. Bir yoki bir nechta displeylarda (monitorlarda) videotasvirni namoyish qilish
va displey karnaylariga yoki qoʼshimcha audio tizimlarda ovoz chiqishini ta’minlash.
Yuqorida keltirilgan vazifalarni bajarishda guruhli videokonferensiya aloqa
tizimi audio va video maʼlumotlarini real vaqt rejimida
qayta ishlashi uchun katta
texnik imkoniyatga ega boʼlishi kerak (HD sifatidagi uzatiladigan videotasvirlar
uchun). Shu sababli ushbu texnik vositalar murakkab va qimmat apparat-dasturiy
yechimlar hisoblanadi.
Videokonferensiya aloqa yechimlarini boshlang‘ich darajadagi va biznes-klass
(professional) darajadagi videokonferensiya aloqa tizimlariga boʼlish mumkin.
Boshlang‘ich darajadagi tizim videoaloqani ishlash uchun zarur bo‘lgan
minimal audio/video uskunalarga asoslangan bo‘lib,
ular nuqta-nuqta ulanishni
qo‘llab-quvvatlaydi (Ya’ni ikkita ishtirokchi yoki ikki guruh ishtirokchilari
o‘rtasidagi videoaloqa).
Biznes-klass darajadagi videokonferensiya aloqa yechimlari samaraliroq
hisoblanib, yuqori tezlikdagi tarmoq o‘tkazuvchanligini qo‘llab-quvvatlaydi va
kamerani avtomatik ravishda dinamik o‘zgartirish xususiyatiga ega hisoblanadi.
Videokonferensiya aloqa serveridan foydalanish evaziga ko‘plab
ishtirokchilar
qatnasha oladigan videokonferensiyalarni tashkil qilish mumkin. Videokonferensiya
aloqa serveridan foydalanish turli xil tarmoq interfeyslariga va audio/video portlariga
ega bo‘lishga imkon beradi.
Guruhli videokonferensiya tashkil etishga mo‘ljallangan texnik va dasturiy
64
yechimlarni u yoki bu sinfga tegishli bo‘lishi, boshqasiga
nisbatan yuqori sifatli
videoaloqani ta’minlaydi degani emas. Muayyan sinfni tanlash videoaloqa tizimiga
qo‘yilgan vazifalar bilan belgilanadi. Masalan, agar kompaniyada bir nechta
bo‘limlar (idoralar) o‘rtasida videoaloqani tashkil etish zarur bo‘lib, ammo ko‘p
ishtirokchi qatnashadigan videokonferensiyalarga
ehtiyoj qolmasa, u holda biznes-
klass darajadagi videoaloqa tizimlardan foydalanishga hojat qolmaydi.
Videokonferensiya aloqa uchun maxsus telefon. Bu alohida apparat hisoblanib,
oddiy telefon apparati qilib ham ishlatish mumkin.
Maxsus kameralar videokonferensiya ishtirokchilari harakatiga bog‘liq xolda
avtomatik yo‘nalishini o‘zgartiruvchi
mexanizmdan tortib, turli sharoitlarda
videoaloqa tashkil qilish uchun moslashtirilgan bir nechta linzalar bilan jihozlangan,
turli xil ulanish usullari va murakkab tizimli mini
USB
versiyalarigacha bo‘lgan
ko‘rinishlarda ishlab chiqarilgan.
