69
4-MASHG‘ULOT. A2.
Mavzu: Zamonaviy telekommunikatsiya tizimlari va ularning apparat –
dasturiy ta’minoti
Reja:
1.
Telekommunikatsiya tizimlari.
2.
Telekommunikatsiya tizimlarining tuzilishi, qurulmalari va tarkibiy qismlari.
1. Telekommunikatsiya tizimlari
Bir-biri bilan ma’lumot almashish imkoniyatiga ega bo‘lgan va umumiy aloqa
muhitiga ulangan texnik vositalar to‘plami telekommunikatsiya tizimini tashkil etadi.
Telekommunikatsiya tizimi deb tarmoq abonentlari o‘rtasida o‘zaro aloqani ta’minlab
beradigan axborot uzatuvchi apparat va dasturiy vositalarning fizik to‘plamiga
aytiladi.
Axborot uzatilish tarmog‘ining ishonchliligini ta’minlash sanoat korxonalari va
tashkilotlarining barqaror ishlashi uchun zarur bo‘lib xizmat qiladi.
Jamiyatning
axborotlashishi qisqa vaqt ichida katta hajmdagi ma’lumot
almashish uchun turli
telekommunikatsiya tizimlaridan faol foydalanishni taqozo etmoqda.
Zamonaviy telekommunikatsiya tizimlari va tarmoqlari
Telekommunikatsiya tizimlari - bu simli, optik tolali aloqa kanallari va simsiz
tarmoqlar orqali katta hajmdagi ma’lumotlarni uzatish uchun mo‘ljallangan texnik va
dasturiy vositalar to‘plami hisoblanadi. Telekommunikatsiya
tizimlarining asosiy
vazifasi ko‘p sonli foydalanuvchilarga turli xil tarmoq xizmatlarini ko‘rsatishga
qaratilgan bo‘lib, bu jarayonda tizim foydalanuvchilari soni bir necha o‘n
mingdan
bir necha milliontagacha bo‘lgan mijozlarni o‘z ichiga olishi mumkin.
Bunday
tizimdan foydalanish telekommunikatsiya tarmog‘ining
barcha ishtirokchilari
o‘rtasida doimiy ravishda raqamli ma’lumotlar almashishni ta’minlash
imkonini
beradi. Zamonaviy telekommunikatsiya tizimlari va tarmoqlarining tashkil etuvchilari
4.1-rasmda keltirilgan.
Telekommunikatsiya tarmoqlarida foydalanilayotgan zamonaviy uskunalarning
asosiy xususiyatlaridan biri tarmoq qurilmalarini barqaror ishlashini ta’minlash
hisoblanib, bu orqali tarmoqda ma’lumotlarni uzluksiz uzatilishi amalga oshiriladi.
Telekommunikatsiya tizimlari va tarmoqlaridagi odatiy
texnik muammolar tufayli
aloqa sifatining doimiy yomonlashishi yuzaga keladi. Bunga tizimdagi turli tashqi va
ichki omillar sabab bo‘ladi.
70
4.1-rasm. Zamonaviy telekommunikatsiya tizimlari va tarmoqlari.
