1
0-mavzu:Sorochka konstruksiyasini hisoblash.
Reja:
1.Konstruksiyani qurish uchun asosiy o’lchovlar
2. Sorochka detallariga ishlov berish
3.Standart jussa o’lchovlari
Tayanch iboralar:
taqilma, qirqma adipli, cho’ntak, yoqa, qotirma,old, ort, yeng, koketka
Sorochka
konstruktsiyasini qurish, gavda o’lchov belgilarini tanlashdan boshlanadi.
O’lchov belgilari qiymati namunaviy (tipaviy) me’yoriy hujjatlardan (GOST yoki tarmoq
standartlari), fan bo’yicha mavjud darsliklardan yoki muayyan qomatni o’lchash orqali
aniqlab olinadi.Sorochka taqilmasi uning modelining asosiy belgisidan biridir. Taqilma
yuqoridan pastgacha, ochiq holda bo’yin o’mizidan old bo’lakning o’rtasigacha yoki undan
yuqoriroqda loyihalanishi mumkin.
Taqilmaga ishlov berish usuliga qarab
qirqma va yaxlit plankada, old bo’lak bilan
yaxlit bichilgan va qirqma adipli, yashirin holda loyihalanishi mumkin. Eng ko’p tarqalgan
taqilma turi sorochka bortiga bo’yin o’mizidan etakkacha planka bilan ishlov berishdir.
Adipli taqilma katta yoshdagi erkaklar uchun mo’ljallangan modellarda ko’p uchraydi.
Sorochka tugmasining o’rni o’ng old bo’lakda, izma esa chap old bo’lakda belgilanadi.
Taqilma tugmaga, pistonga, ilgakka, bog’ichga, «molniya» ga taqilishi mumkin.
O’g’il bolalar sorochkasini modellashda unifikatsiyalangan bo’laklardan keng
foydalaniladi. Katta bo’laklar (old, ort, yeng, koketka) bilan birga mayda bo’laklar ham
unifikatsiyalangan bo’lishi mumkin. Bitta asos konstruktsiya
asosida unifikatsiyalangan
bo’laklarni almashtirish vositasida bir necha modellarni qurish mumkin. Cho’ntak, yoqa,
qotirma bo’laklari ham unifikatsiyalangandir.
Bolalar sorochkasi ip, zig’ir, shoyi, jun, aralashgan tolali, sun’iy tola gazlamalardan
tikiladi. Gazlama yemirilishga,
yuvishga chidamli, kam g’ijimlanuvchan, kirishmaydigan,
rangi o’chib ketmaydigan, havo o’tkazuvchan, suv shimadigan bo’lishi kerak.
Gazlamaga bunday xossalarni berish uchun ularga sun’iy
qorishmalar bilan ishlov
beriladi, poliefir va poliamid tolalar bilan qo’shib ishlab chiqariladi
.
