11-mavzu: O’g’il bolalar sorochkasi konstruksiyasini qurish.
Reja:
1.Bolalar kiyimiga qo’yiladigan talablar.
2.O’g’il bolalar sorochkasi modellari.
3.O’g’il bolalar sorochkasi uchun gazlama tanlash.
Tayanch iboralar:
bichim,uslub, klassik, fantazi, sport,sorochka,konstruksiya,
Garderob, taqilma
Hozirgi bolalar kiyimining asosiy sifat ko’rsatkichlaridan biri uning
funktsionalligidir. Kiyimning funktsionalligi kompleks tushuncha bo’lib,
kiyimning
konstruktiv va estetik xarakteristikasini, unga qo’yiladigan fiziologik, sotsial va texnologik
talablarini o’z ichiga oladi.
Maktab yoshidagi bolalarning kiyimlari xilma-xilligi bilan ajralib turadi. Maktab
bolalarining kiyimlar garderobini maktab formasidagi o’quvchilar kiyimi bilan bir qatorda,
sport kiyimlari tashkil etadi. Kundalik kiyimning turli uslubdagi formalari va qat-qatligi
bilan xarakterlanadi. Ko’proq to’g’ri bichimli tikilishi uning yeng o’miziga o’tqazib
tikiladigan yoki reglan bichimli yoki kombinatsiyalashtirilgan bo’lishi mumkin, cho’ntaklar
turli bo’lishi mumkin.
Formalar universallashtirilishi natijasida beshta yosh guruhi o’rniga ikki guruh
qoldirildi: 3 dan 12 yoshgacha va 12 dan 18 yoshgacha bo’lgan
bolalar guruhlari, 12
yoshgacha bo’lgan davr modaga beparvo qaraladigan davr hisoblanadi. Bu guruhga mansub
bolalarning kiyimlari qulay, shinam, maqsadga loyiq qilib tikilishi bilan birga, badiiy
bezatiladi. Bu:
applikatsiya, kashta, kiyimni chiroyli ko’rsatadigan rasmlar atrofdagi
muhitni bilish vositalari hisoblanadi.
12 yoshdan katta bolalalarning kiyimlari katta yoshdagi kishilarning kiyimlariga oz-
ozdan o’xshatila boriladi.
Bolalar modasida yangilik, birinchi navbatda, yangi turdagi
kiyim assortimentlarini
ko’payishidir. Bolalar kiyimini loyihalashning asosiy yo’nalishlaridan biri-kiyimning
kombinatsiyalashtirilgan formasini hosil qilish bilan birga,
ayrim buyumlarning o’zaro almashuvchanligiga erishishdir.
Hozirgi kunda bolalar kiyimining yetakchi va asosiy
bichimi to’g’ri bichimli kiyimdir; to’g’ri bichimning variantlari
juda ko’p.
Bolalarning keng tarqalgan kiyimi formasining to’kisligi
bilan ajralib turadi. Kiyimning belga
yopishib turish darajasi
assortiment guruhlariga bog’liq.
Hozirgi vaqtda sovuq o’tkazmaydigan material, qavilgan
katta hajmli, yopishib turadigan formadagi kiyimlar keng
tarqalgan.
Sorochka yon, yelka, yeng, o’miz qirqimlariga ishlov berish usuli bilan tikiladigan
uskunalar, ishlab chiqarishda qabul qilingan texnologiya tartibi va sorochka vazifasiga
bevosita bog’liq ravishda belgilanishi kerak
O’g’il bolalar sorochkasi uchun model tanlashda va konstruktsiyalashda gavda,
qomat va figuraning xususiyatlari hisobga olinadi.
Sorochka klassik, sport, romantik uslubda bo’lishi mumkin.
Bulardan tashqari
sorochkalar kundalik, bayramona, uy uchun va harbiy turlarga bo’linadi. T-42 modulda
sorochkaning boshqa belgilari (mavsum,
gazlama turi, vazifasi, silueti) bo’yicha turlarga
bo’linishi batafsil yoritilgan,
Sorochka andozalarini tayyorlash uchun quyidagi dastlabki ma’lumotlar bo’lishi shart:
model-konstruktsiyasining chizmasi, kiyim bo’laklarini yig’ish chizmasi, tikish uchun
tavsiya etilgan materiallar xossalari haqqidagi ma’lumotlar. Konstruktsiya chizmasida
konstruktiv chiziqlar o’rni (ko’krak, bel, bo’ksa, o’rta chiziq, etak, yeng qiyamasi,
chuqurligi, cho’ntak o’rni). Montaj kertiklar yon qirqimda (2 tadan) koketkani ort bo’lakka
ulash qirqimida (tahlama o’rnini ko’rsatuvchi kertik), yeng qiyamasida, taqilma plankasida
va
yeng yon qirqimida, (manjet ziylarini bukish o’rni) belgilanadi.
