|
Bolalarni maktab ta'limiga tayyorlashda ijodkorlikni rivojlantirish mundarija kirish
|
| bet | 1/6 | | Sana | 21.05.2024 | | Hajmi | 318,57 Kb. | | #248057 |
Bog'liq Bolalarni maktab ta\'limiga tayyorlashda ijodkorlikni rivojlantir
Bolalarni maktab ta'limiga tayyorlashda ijodkorlikni rivojlantirish
MUNDARIJA
KIRISH.
I.BOB. MAKTABGACHA TA`LIM TASHKILOTIDA BOLALARNI MAKTABGA TAYYORLASHDA IJODKORLIKNI RIVOJLANTIRISH NAZARIYASI VA METODIKASI
1.1 Bolalarni maktabga tayyorlash bo’yicha maktabgacha ta`lim tayyorlov guruhi bolalarini innovatsion ijodkorlik faoliyatiga yo`naltirishni shakllantirish mazmuni.
1.2 Bolalarning ijodiy faoliyatini tashkil etishda rivojlantiruvchi markazlarning o'rni.
II.BOB. IJODKORLIK FAOLIYATI ORQALI MAKTABGACHA TA`LIM TASHKILOTLARIDA TAYYORLOV GURUHLARI BOLALARINI IJODIY QOBILIYATLARINI SHAKLLANTIRISHNI TAKOMILLASHTIRISH.
2.1 Maktabgacha yoshdagi bolalarning ijodiy faoliyatini loyihalashtirishda "STEAM" zamonaviy yondashuvi.
2.2 Tayyorlov guruhlari bolalarini maktabga tayyorlashda ijodkorlikni rivojlantirish usullarini shakllantirish.
XULOSA.
FOYDALANILGAN ADABIYOTLAR RO‘YXATI.
KIRISH
"Agar mendan sizni nima qiynaydi, deb so'rasangiz, farzandlarimizning ta'lim va tarbiyasi deb javob beraman. Biz kimmiz, qanday ulug' zotlarning avlodimiz, degan davat ularning qalbida doimo aks-sado berib, o'zligiga sodiq qolishga undab tursin. Bunga nimaning hisobidan erishamiz? Tarbiya faqat tarbiya hisobidan.
O'zbekiston Respublikasi Prezidenti
Sh.M.Mirziyoyev.
Mavzuning dolzarbligi. Ma'lumki Maktabgacha ta'lim Ta'lim tizimining eng boshlang'ich bo'g'ini hisoblanadi. Maktabgacha talim tizimini yanada takomillashtirish, bolalarning sifatli maktabgacha ta'limdan teng foydalanishini ta'minlash, maktabgacha talim xizmatlarining nodavlat sektorini rivojlantirish maqsadida, shuningdek, O'zbekiston Respublikasi Prezidenti Shavkat Miromonovich Mirziyoyevning 2019 yil 8-maydagi Maktabgacha talim tizimini boshqarishni takomillashtirish chora-tadbirlari to'g'risidagi PQ--4312 son qaroriga muvofiq O'zbekiston Respublikasi maktabgacha talim tizimini 2030 yilgacha rivojlantirish konsepsiyasi qabul qilindi. Bu chiqarilayotgan Qaror va Farmonlar oʻz navbatida intellektual, barkamol avlodni tarbiyalashga xizmat qiladi. Ushbu farmon va qarorlar maktabgacha taʼlim tizimi moddiy-texnik bazasini mustahkamlash, ularni malakali pedagog va tarbiyachilar bilan taʼminlash, bolalarni maktab taʼlimiga tayyorlash darajasini tubdan yaxshilash, taʼlim-tarbiya jarayoniga zamonaviy taʼlim dasturlari va texnologiyalarini tatbiq etish, farzandlarimizni har tomonlama intellektual, axloqiy, estetik va jismoniy rivojlantirish uchun shart- sharoitlar yaratish kabi dolzarb masalalarni hal etishda alohida ahamiyat kasb etmoqda. Bu muhim vazifalarni hal etish bugungi kunda maktabgacha taʼlim tashkilotlarida taʼlim-tarbiya jarayonini takomillashtirish, shu bilan bir qatorda bolalarning ijodiy faoliyatini to'g'ri tashkil etish va loyihalashtirish asosiy vazifalardan ekanligini koʻrsatadi hamda tanlangan mavzuning dolzarbligini aniqlaydi. Shuni alohida taʼkidlash lozimki, maktabgacha taʼlim tashkilotlarida bolalarning ijodiy faoliyatini tashkil etish vosita va usullarini ilmiy jihatdan ishlab chiqish hamda amaliyotga joriy etish asosiy vazifalardan biri boʻlib, mashgʻulot samaradorligini oshirishga xizmat qiladi. Hozirgi zamon didaktikasi va metodikasida bu borada zamonaviy oʻqitish texnologiyalaridan foydalanish muammosi koʻpincha taʼlim uzviyligini taʼminlashning muhim omili sifatida qaralmoqda. Maktabgacha yoshdagi bolada bilish jarayoni ijodiy faoliyat natijasida yuz beradi. Maktabgacha yoshdagi bolalarning Badiiy-estetik qobiliyatlarini shakllantirishda Ijodiy faoliyatning roli juda beqiyos hisoblanadi. Bolaning berilgan topshiriqni bajarish jarayonida izlanishi, ijodiy faoliyati namoyon bo‘lishi uchun aniq maqsadga yo‘naltirilgan, rejalashtirilgan, meʼyor va mezonlarga ega bo‘lgan, o‘z-o‘zini anglagan faoliyat zaruriyati seziladi. Bu esa bolada atrof-olam obʼektlari va ular haqidagi bilimlarni o‘zlashtirish; taʼlim samaradorligini vujudga keltirish, faoliyatning avvalgi turlariga tayanishni taqozo etadi. Xususan, “Shaxsdagi ijodkorlik xususiyatlarini qanday tarbiyalash mumkin?”- degan dolzarb muammo bugun paydo bo‘lmagan. Azal-azaldan ijodkorlikning boshlanishi bo‘lgan insondagi ijodiy qobiliyatlarni rivojlantirish masalasi bevosita bolalar taʼlim-tarbiyasi bilan shug‘ullanuvchi pedagoglarni ham, tadqiqotchilarni ham hozirgi davrgacha qiziqtirib keladi. Taʼlim va tarbiya, shaxsning jamiyatda shakllanishi, qobiliyatlarni rivojlantirish hanuzgacha pedagogikaning eng dolzarb masalasi bo‘lib qolmoqda. Maktabgacha yoshdagi bolalarda ijodiy faollikni shaklantirish texnologiyasini ishlab chiqish muammosi ko‘p qirrali pedagogik- psixologik ijtimoiy vazifalardan biri bo‘lib, jamiyat ijtimoiy rivojlanishi va taraqqiyoti uchun dolzarb vazifalardan biridir Turli xil tasviriy materiallar bolalarning idroki va g'oyalarini boyitadi, ularning tasviriy san'at, tasviriy faoliyat haqidagi bilimlarini kengaytirishga yordam beradi, ular uchun uni yanada jozibali va qiziqarli qiladi va turli xil materiallarni o'zlashtirganda, bolalar o'ziga xos uslubni shakllantiradilar. Shuning uchun ushbu mavzu hozirgi kunda dolzarb hisoblanganligi uchun kurs ishimiz mavzusini "Maktabgacha yoshdagi bolalarning ijodiy faoliyatini tashkil qilish va loyihalashtirish texnologiyasi" deb tanlab oldik.
|
| |
