|
Buxoro davlat universiteti axborot texnologiyalari kafedrasi
|
| bet | 2/12 | | Sana | 15.11.2023 | | Hajmi | 3,4 Mb. | | #99046 |
Bog'liq Google Classroom (1) 2-ma`ruza. Intelektual tizim tasnifi. Intelektual axborot tizimi, Самостоятельная работа (1), Шаблон учун, raqamli texnologiya, eng-xavfsiz-shifrlash-algoritmlari, IBET1243 (1), Intizom Ma `lumot texnologiyalar dars mavzu Microsoft Word da-genderi.org, 126 1684497155, 4-laboratoriya, Baxtiyorov Nodirbek (2), Ishlab chiqarishning[1], 11. Kvadratik formalar (3), Kompyuter viruslari va viruslardan himoya qilish muammolarini hal, Elektron Chaqiruv xati BT, 9-informatika-darslik 1.1 KIRISH 5 ASOSIY QISM GOOGLE CLASSROOM IMKONIYATLARI 8 GOOGLEDA AKKAUNT OCHISH 10 GOOGLE CLASSROOMDA KURS YARATISH 12 KURSGA MA’RUZA (AMALIY MASHG’ULOT) MATERIALLARINI JOYLASHTIRISH 16 KURSDA TOPSHIRIQLARNI JOYLASHTIRISH 20 CLASSROOMDA TEST TOPSHIRIQLARINI YARATISH 24 XULOSA XULOSA 35 FOYDALANILGAN ADABIYOTLAR 36
KIRISH
Bugungi kunda o’quv jarayonini zamonaviy o’qitish texnologiyalaridan foydalanmasdan tashkil etish mumkin emas. Ta’lim va tarbiyaning eng dolzarb vazifasi XXI asrdagi insonning aqliy qobiliyatlari va insoniy fazilatlarini shakllatirish orqali aniqlanadigan talabalarining kompetentligini oshirishdan iborat: mas’uliyat, boshqalarning fikr-mulohazalariga nisbatan bag’rikenglik, muloqot qobiliyati, o’z-o’zini rivojlantirish qobiliyati, fikrlashni rivojlantirish, turli xil shakllarda va turli xil yo’llar bilan ma’lumotlarni topish, tahlil qilish, boshqarish, integratsiya, baholash va yaratish qobiliyati, jamoada ishlash qobiliyati, muammolarni yechi sh va hal qilish qobiliyati.
Ko’rsatilgan muammoni hal qilish uchun o’quv jarayoniga zamonaviy ta’lim texnologiyalari bilan integratsiyalashgan axborot texnlogiyalaridan foydalanish tavsiya etiladi.
Ta’lim muassasalari o’quv jarayonini kompyuter texnologiyalari va dasturiy ta’minotning eng so’nggi yangiliklari bilan ta’minlash muammosiga duch kelmoqdalar, bu tegishli axborot xizmatini ta’minlash uchun katta moddiy xarajatlarni talab qiladi.
Rivojlangan xorijiy mamlakatlar tajribasi shuni ko’rsatadiki, ta’lim jarayoniga “bulutli hisoblash”ni joriy etish ta’limni kompyuterlashtirish muammolarini hal etishga ko’mak beradi. Hozirgi kunda ommabop bo’lgan “bulutli hisoblash” atamasi IT sohasida 2008 yildan beri qo’llanilib keladi. Bularga talabalar va o’qituvchilar uchun bepul veb-xosting xizmatlari kiradi. Bunda Web 2.0 hamda Google Service IT-ilovalariga alohida e’tibor qaratish lozim. O’quv jarayonida bu texnologiyalrdan maksimal darajada foydalanish talabalarning IT- texnologiyalaridan mukammal foydalana oladigan kadrlar sifatida yetishib chiqishida eng yaxshi vosita hisoblanadi. Web-xizmatlarga jamoaviy aloqalarni qo’llab-quvvatlovchi tarmoq dasturi sifatida qaraladi. Ulardan o’quv jarayonida va o’quvchi (talaba)larni ta’lim jarayoniga tayyorlashda samarali foydalanish mumkin.
Zamonaviy ta’limda darslarni tashkil qilishning samarali vositalaridan biri bu
“teskari sinf” texnologiyasidir.
Ta’limni axborotlashtirish sharoitida "Teskari ta’lim" texnologiyasi elementlarini Google Classroom imkoniyatlaridan foydalangan holda kundalik o’quv amaliyotiga faol joriy etish zamonaviy raqamli jamiyatning yangi talablariga javob beradi va o’quv jarayonini o’quvchilarni o’z bilim va ko’nikmalarini yaratishda faol ishtirok etish deb hisoblash imkonini beradi.
O’z-o’zini o’qitish makonini tashkil qilishning samarali vositalaridan biri LMS – Learning Management System (ta’limni boshqarish tizimi)ning imkoniyatlaridan foydalanishdir. Ko’pgina LMSlar orasida keng qo’llaniladigan kontentlardan biri Google Classroomdir.
Google Classroom – o’quv jarayonini tashkil qilishdagi bulutli platformadir. Platforma o’qituvchi va o’quvchi (talaba)lar hamkorligiga asoslangan ta’lim jarayonini samarali tashkil qilish imkoniyatini beradi.
Google Classroom o’quv jarayonini tashkil qilishning keng imkoniyatini taqdim etadi: Google Classroom xizmatida avtorizatsiyadan o’tish va o’z o’quv kursini yaratish, fanlar bo’yicha turli kurslarni qo’shish, o’quvchi (talaba)larni sinf (kurs)ga taklif qilish, sinfda topshiriqlar yaratish, baholash va baholangan topshiriqlarni o’quvchi (talaba)larga qaytarish. Google Classroom bilan ham individual, ham jamoaviy turli ta’lim faoliyatini tashkil qilish mumkin. Google Classroom platformasidan foydalanish ta’lim mazmunini yangilashga, pedagogik usullarni kengaytirishga, tabaqalashtirilgan o’qitish texnologiyasini joriy etishga, shuningdek, masofaviy o’qitishni tashkil etishga yordam beradi.
Yangi ta’lim standartlari joriy etilishi bilan, muammolar ham o’zgardi: talabani individual ta’lim yo’nalishi va o’quv muhitini kengaytirishga yo’naltirishda o’qituvchi uchun taqdim etiladigan materiallar yetarli bo’lmasligi mumkin. Bu shuni anglatadiki, o’qituvchi o’zi muallif va dasturchi bo’lishi kerak. Muammolarni ajratib ko’rsatish kerak:
o’qituvchi tarmoq xizmatlari bilan ishlashda etarlicha vakolatlarga ega emas;
o’qituvchilar o’rtasida o’zlari yaratgan mahsulotlarni o’zaro almashish juda kam yo’lga qo’yilgan;
o’qituvchilardan iborat bo’lgan kichik guruhlarda loyihaviy masalalarni hal qilish tajribasi mavjud. Muammo shundaki, bu o’qituvchilar guruhi doimiy bir xil tarkibdan iborat va hamkorlik uchun boshqa o’qituvchilarni alb qilish imkoni yo’q;
aksariyat o’qituvchilar o’quv materiallarini ishlab chiqishdagi hamkorlikni yo’lga qo’yishda kam yoki umuman tajribaga ega emaslar;
Ushbu uslubiy qo’llanmaning maqsadi:
o’qituvchi faoliyatida Google xizmatlaridan foydalanishni ko’rib chiqish;
Internet xizmatlari va Google Classroom xizmatlaridan foydalangan holda o’quv jarayonini modellashtirish;
Google xizmatlaridan o’quv guruhlari a’zolari bilan birgalikda foydalanishni ko’rib chiqish;
Qo’llanma asosan, o’qituvchilarga mo’ljallangan bo’lib, Google Classroom bulutli ta’lim platformasidan foydalanishda asosiy ma’lumotlarni taqdim etadi.
|
| |
