Tadqiqot ob’ekti - masalani yechishda sub’ektning fikrlash faoliyatidagi onglilik va ongsizlik o‘rtasidagi o‘zaro ta’sir jarayonini tashkil etadi. Oliy ta`lim mussasalari talabalari va oliy ma’lumotli shaxslar.
Tadqiqot predmeti - intellektual faoliyat jarayonida ongsizlik komponentlarining psixologik xususiyatlarini aniqlash.
Tadqiqot metodlari.
- A.V.Brushlinskiyning “Ongsizlikni o‘rganish metodikasi”;
- Q.A.Abdurahimovning “Intellektual faoliyatga ongsizlik komponentlari ta’sirini o‘rganish testi” metodikasidan foydalanilgan.
Tadqiqotning nazariy-metodologik asosini
shaxs psixikasini tushunishda tizimli yondashuv (G.A.Ball, I.F.Burlachuk, G.S.Kostyuk, S.D.Maksimenko, V.A.Molyako, V.V.Ribalko, T.S.Yatsenko va boshqalar); sub’ekt psixikasining ongsizlik jabhasi funksional xususiyatlari va strukturasini tushunishga bazaviy yondashuvlar (V.F.Bassin, S.Lekler, S.D.Maksimenko, Z.Freyd, K.G.Yung, A.Menegetti, va boshqalar); insonning yoshga oid psixik rivojlanish xususiyatlari xaqidagi nazariy qarashlar (L.S.Vigotskiy, I.S.Kon va boshqalar); ongsizlik sohasining funksional xususiyatlari (D.N.Uznadze); psixikaning ongsizlik va onglilik sohalari o‘zaro bog‘liqligi xaqidagi yondashuvlar (S.L.Rubinshteyn, Z.Freyd, K.G.Yung, T.S.Yatsenko, K.A.Abulxanova, A.V.Brushlinskiy, A.N.Leontev, O.K.Tixomirov va boshqalar).
Tadqiqotning ilmiy yangiligi quyidagilarda o‘z aksini topdi:
- muayyan vaqt oralig‘ida anglanganlik va anglanmaganlikni turli xil hajmdagi intellektual masalalarni yechish samaradorligi aniqlanganligi;
-intellektual masalalarni yechish usullariga anglanmagan ustanovkalar va ularning ta’siri amalga oshirilganligi;
- bosh miya bioelektrik faolligining anglanmagan ustanovkalarning barqarorligi bilan aloqasi ko‘rsatilganligi;
-psixologiyada ongsizlikni o‘rganish bo‘yicha olib borilgan tadqiqotlar tizimlashtirilganligi;
-tafakkurning anglanmagan umumpsixologik komponentlari mexanizmlarining namoyon bo‘lishi aniqlanganligi;
-tafakkur anglanmagan umumpsixologik komponentining fikrlash jarayonini o‘zgartirishga ta’siri isbotlanganligi;
-intellektual faoliyatga tafakkur ongsizlik komponentlari ta’siri ochib berilgan.
|
