Fanning maqsadi va vazifalari

Fanni o‘qitishdan maqsad – “Informatika  va axborot texnologiyalari (dasturiy ta’minot)” yo‘nalishi talabalariga dasturlash asoslarini yetarli darajada o‘qitish, shu bilimlarga tayangan holda kompyuter yordamida modellashtirishga keladigan tadbiqiy masalalarning dastur ta’minotini amalga oshirishga o‘rgatish va ixtisoslik fanlarini o‘zlashtirishda tayanch bilimlarga ega bo‘lish.

Fanning vazifalari - masala yechishning algoritmik asoslarini o‘rganish, kompyuter ishlashining tamoili, dasturlash tillarini sinflash, kompyuterda berilganlar va buyruqlarni tasvirlanishi, C++ tilida dasturlash, obyektga yo‘naltirilgan dasturlash texnologiyalari,  vizual dasturlash muhitida ishlash bu fanning asosiy vazifalari hisoblanadi.