6.6. Kondensator qurğusu açıldıqda, onun təkrar qoşulmasına açılandan 1 dəqiqədən az olmayan müddətdən sonra icazə verilir.
6.7. Mühafizənin işləməsilə açılmış kondensator qurğusunun yenidən qoşulmasına, açılmanın səbəbini aydınlaşdırıb ləğv edəndən sonra icazə verilir.
6.8. Trixlordifenillə hopdurulmuş kondensatorların gövdələrində sarı rəngdə 40mm ölçülü bərabərtərəfli üçbucaq şəklində fərqləndirici nişan olmalıdır.
Bu kondensatorlara xidmət zamanı ətraf mühitə trixlordifenilin düşməsinin qarşısını almaq üçün tədbir görülməlidir. Sıradan çıxmış trixlordifenilli kondensatorlar ətraf mühitə trixlordifenilin düşməsini istisna edən hermetik (kip) konteynlərdə saxlanmalıdır.
Trixlordifenillə hopdurulmuş zədələnmiş kondensatorun ləğv edilməsi xüsusi avadanlıqlaşdırılmış poliqonda mərkəzləşdirilmiş şəkildə yerinə yetirilməlidir.
6.9. İşdən açmadan kondensator qurğularına baxış ayda 1 dəfədən az olmayaraq aparılmalıdır.
6.10. Kondensator qurğularının orta təmiri onların texniki vəziyyətindən asılı olarq enerji obyektinin texniki rəhbərinin qərarı ilə yerinə yetirilməlidir.
Kondensator qurğularının cari təmiri hər il aparılmalıdır.
6.11. Kondensator qurğularının sınaqları elektrik avadanlıqlarının sınaq həcm və normalarına, zavod təlimatlarına müvafiq təşkil edilməlidir.
| 